भरतपूर : राजस्थानच्या भरतपूर जिल्ह्यात शुक्रवारी ट्रक आणि बसच्या अपघाताने हाहाकार माजवला. जयपूर-आग्रा राष्ट्रीय महामार्गावरील हलैनाजवळ रस्त्याच्या कडेला उभ्या असलेल्या ट्रकला यूपी परिवहन बसने धडक दिली. या अपघातात बसमध्ये प्रवास करणाऱ्या चार जणांचा मृत्यू झाला. तर अधिक जण गंभीर जखमी झाले. माहिती मिळताच पोलिसांनी घटनास्थळी धाव घेत जखमींना जिल्हा रुग्णालयात दाखल करण्यात आले आहे.
मिळालेल्या माहितीनुसार, जयपूर-आग्रा राष्ट्रीय महामार्गावर हलैनाजवळ शुक्रवारी दुपारी हा अपघात झाला. राष्ट्रीय महामार्गावर एक ट्रक रस्त्याच्या कडेला उभा होता. त्यानंतर भरतपूरहून जयपूरच्या दिशेने भरधाव वेगाने येणारी बस मागून उभ्या असलेल्या ट्रकला धडकली. अपघात एवढा भीषण होता की बसच्या पुढील भागाचे मोठे नुकसान झाले. या भीषण अपघातात आतापर्यंत ४ जणांचा मृत्यू झाल्याचे सांगण्यात येत आहे. त्याचबरोबर डझनभर लोकांची प्रकृती चिंताजनक आहे. ज्यामध्ये महिला आणि लहान मुलांचाही समावेश आहे.
अपघातानंतर बसमध्ये आरडाओरडा झाला. दोन वाहनांच्या धडकेनंतर मोठा आवाज ऐकून आसपासच्या लोकांनी घटनास्थळी धाव घेत बसमध्ये अडकलेल्या लोकांना बाहेर काढले. अपघात एवढा भीषण होता की बसचा अर्ध्याहून अधिक काचा चक्काचूर झाला.
अपघातानंतर जयपूर-आग्रा राष्ट्रीय महामार्गावर बराच वेळ जाम झाला होता. माहिती मिळताच पोलिसांनी घटनास्थळ गाठून मृत व जखमींना खासगी वाहने व रुग्णवाहिकेतून जिल्हा रुग्णालयात पाठवले. पोलिसांनी क्रेनच्या सहाय्याने नुकसान झालेली वाहने महामार्गावरून हटवली. यानंतर वाहनांची वाहतूक सुरळीतपणे सुरू करण्यात आली.