गुरव, अंकोलेकर यांच्या शानदार खेळामुळे एमआयजी मजबूत स्थितीत

मुंबई : एमआयजी क्रिकेट क्लबने पारसी जिमखानाविरुद्ध 75 व्या यूपीएल-पोलीस निमंत्रण शिल्ड क्रिकेट स्पर्धेच्या 2022-23 च्या तीन दिवसीय अंतिम सामन्याच्या दुसऱ्या दिवशी पहिल्या डावात 84 धावांची मौल्यवान आघाडी मिळवली आहे.

 पोलीस जिमखाना मैदानावर शनिवारी झालेल्या सामन्यात डावखुऱ्या फिरकीपटू श्रेयस गुरवने 85 धावांत 4 आणि अथर्व अंकोलेकरने 136 धावांत 4 बळी घेत महत्त्वपूर्ण विकेट्स घेतल्या  त्यांनी पारसी जिमखान्याला पहिल्या डावात 70.2 षटकांत सर्वबाद 282 धावांवर रोखले आणि मोठी आघाडी मिळवली. 

वैभव कळमकर 64 धावा, आकर्षित गोमेल 63 धावा आणि अंगक्रिश रघुवंशी 50 धावांनी पारसी जिमखानाचा डाव सावरला आणि  एमआयजी क्लबला मोठी आघाडी घेण्यापासून रोखले. 

पहिल्या डावात एकूण ३६६ धावांची आव्हानात्मक धावसंख्या उभारणाऱ्या एमआयजीने दुसऱ्या (४० षटकांत) डावात २३ षटकांत ३ गडी गमावून ११६ धावा केल्या आणि आता एकूण २०० धावांची आघाडी घेतली. दुसऱ्या दिवसाचा खेळ संपला तेव्हा वेदांत मुरकर 49 आणि शीश शेट्टी 18 धावांवर खेळत होते.
संक्षिप्त धावसंख्या: एमआयजी सीसी – पहिला डाव: ३६६ सर्वबाद, ७४.२ षटके (वरुण लवांडे ८४, वेदांत मुरकर ७८, प्रग्नेश कानपिल्लेवार ४६, विशांत मोरे ४२, गौरव जठार ४१, अर्जुन दाणी ३९; सिल्वेस्टर डिसूझा २/७४), शेडगे 2/83, यश डिचोलकर 2/97) आणि दुसरा डाव: 3 गडी बाद 116, 23 षटके (वेदांत मुरकर 49*, शीश शेट्टी 18*) वि पारसी जिमखाना - पहिला डाव: (रात्रभर 15 बिनबाद, 5 षटके) 282 सर्वबाद, 70.2 षटकांत (वैभव कळमकर 64, आकर्षित गोमेल 63, अंगकृष्ण रघुवंशी 50; श्रेयस गुरव 4/85, अथर्व अंकोलेकर 4/136, हर्ष तन्ना 2/42).