महाराष्ट्राच्या हिरकणीचा पराक्रम
डोंबिवली / शंकर जाधव : मराठी राजभाषा दिवसाचे औचित्य साधत महाराष्ट्राची हिरकणी म्हणून ओळख असलेल्या ग्रीहिता विचारे ह्या केवळ ८ वर्षीय चिमुरडीने भैरवगड कडा सर करत पुन्हा एकादा दैदिप्यमान कामगिरी करत शहराचे नाव उंच केले.भैरवगड म्हंटल तर किमान २ तासांची दमछाक, रॉक कट क्लायंबिंग आणि झिप लाइन आली ह्या सर्व अडचणी वर मात करत ग्रीहिता ने यशस्वी कामगिरी करून दाखवली.
मुरबाड तालुक्यातील वसलेला भैरवगड हा भल्याभल्यांना आव्हान देत असतो.किमान ३ हजार फुटांवर असलेला भैरवगड हा गाठण्यासाठी घनदाट जंगलातून पायपीट करत कड्याच्या पायथ्याशी पोहचावे लागते.ग्रीहिता च्या पाठीशी नेहमीच उभे राहणारे तिचे वडील सचिन विचारे ह्यांची देखील ग्रीहिता च्या कामगिरी ला मोलाची साथ लाभते,ह्या आधी ही ग्रीहिता च्या वतीने वजीर,नवरा नवरी सुळके सर केले आहे सोबत माऊंट एवरेस्ट च्या बेस कॅम्प ला जाणारी सर्वात लहान गिर्यारोहक म्हणून तिची ओळख आहे.
ग्रीहिता ला ही कामगिरी फत्ते करण्यासाठी तांत्रिक मदत करणारे महादुर्ग ऍडव्हेंचर चे भूषण पवार,सागर डोहळे, अक्षय जमदरे,नितेश पाटील,योगेश शेळके,विकी बुरकुले, कल्पेश बनोटे,ऋतुजा नेरकर आणि महाराष्ट्र रेंजर चे किशोर माळी ह्यांची मोलाची साथ लाभली.महादुर्ग ऍडव्हेंचर ह्या साहसी संघाच्या सयंसेवकांना गिर्यारोहण क्षेत्रात 3 वर्षांचा अनुभव असल्याने आणि तांत्रिक गोष्टींचे ज्ञान असल्याने कुठे ही कंचित ही भीती लहान मुलांच्या मनात निर्माण होत नाही त्यामुळे गिर्यारोहण सुरक्षित पार पडते असे महादुर्ग ऍडव्हेंचर चे संस्थापक भूषण पवार ह्यांनी सांगितले.