दिवा, ( आरती मुळीक परब) : मुंबई विद्यापीठाने आयोजित केलेल्या ५७ व्या युवा महोत्सवामध्ये कोपर गावातील नामवंत 'वंदे मातरम् पदवी महाविद्यालाच्या' विद्यार्थ्यांनी नाटक सादर करून अंतिम फेरीमध्ये अनुक्रमे उत्तेजनार्थ बक्षीस प्राप्त करून वंदे मातरम् पदवी महाविद्यालयचे नाव मुंबई विद्यापीठात उंचावले.
नाट्य स्पर्धेमध्ये यश बडेकर, रोशन बर्डे, गौरी कागले, जया हलदार, सई कुडतुडकर व कशिश मिश्रा यांचा सहभाग होता. तर त्यांच्या साथीला आयुष सावंत, तन्मय वाडेकर, सहील सिंग होते. विद्यार्थी समन्वयक मयंक कोठारी व सव्या अंचन तसेच समन्वयक प्राध्यापिका मृणाल जाधव यांनी वुद्यार्थ्यांमध्ये दुवा साधला. संपूर्ण टीमला विजय मिळवण्यासाठी पदवी विद्यापीठातील सर्व विद्यार्थी आणि प्राध्यापकांनी मोलाचे सहकार्य केले.
एखाद्या स्पर्धेमध्ये जिद्दीने सहभागी होऊन व विजयावर लक्ष्य केंद्रित करून ते साध्य करून मिळवलेला विजय हा कितीतरी पटीने सगळ्यांनाच निस्वार्थी आनंद देणारा आहे, असे बोलून संस्थेचे संस्थापक माननीय डॉ. राजकुमार कोल्हे यांनी सांगितले. नंतर त्यांनी मुलांच्या पाठीवर कौतुकाची थाप मारून हा यशाचा आनंद साजरा केला. सचिव डॉ. प्रेरणा कोल्हे यांनी सर्व विद्यार्थ्यांचे व सहकार्य केलेल्या सर्व शिक्षकांचे अभिनंदन करून विजयी पताका अशीच फडकवत ठेवा, असा आशीर्वाद दिला. प्राचार्य डॉ. नाडर यांनी पण विद्यार्थ्यांचे विशेष कौतुक केले. या वेळी सर्व विद्यार्थ्यांनी विजयाचा चषक उंचावून केलेल्या जल्लोष केला