अलिबाग, ( धनंजय कवठेकर) : राष्ट्रीय केमिकल्स अँड फर्टिलायझर्स लिमिटेड (आरसीएफ)थळतर्फे उपविभागीय पोलीस अधीक्षक कार्यालय अलिबाग येथे दोन संगणक आज दिनांक २९ ऑक्टोबर २०२४ रोजी तातडीने पुरविण्यात आले.
आगामी सार्वत्रिक निवडणुकांच्या अनुषंगाने वाढीव दैनंदिन कामकाजाची पूर्तता करण्याच्या दृष्टीने अलिबाग पोलीस ठाण्याला संगणकांची तातडीने आवश्यकता होती. सदर संगणक आरसीएफ कडून उपलब्ध करून देण्याबाबतचे विनंती पत्र पोलीस निरीक्षक अलिबाग पोलीस ठाणेद्वारा आरसीएफला दिनांक २६ ऑक्टोबर रोजी प्राप्त झाले. नुकत्याच घोषित झालेल्या सार्वत्रिक निवडणुकांच्या पार्श्वभूमीवर संगणकांची निकड लक्षात घेऊन आरसीएफ व्यवस्थापनाने कार्यालयीन वापरातले दोन संगणक अलिबाग पोलीस ठाण्यासाठी त्वरित उपलब्ध करून दिले. आरसीएफ थळच्या आयटी कर्मचार्यांनी उपविभागीय पोलिस अधीक्षक कार्यालय अलिबाग येथे जाऊन सदर दोन संगणक आज स्थापित केले आणि पोलीस कार्यालयाचे कामकाज सुरू करून दिले.
पोलिसांच्या विनंतीचा तातडीने विचार करून त्वरित सांगणक उपलब्ध करून दिल्याबद्दल उपविभागीय पोलीस अधीक्षक विनीत चौधरी यांनी समाधान व्यक्त करून आरसीएफ व्यवस्थापना प्रती आपली कृतज्ञता व्यक्त केली.
संतोष वझे
वरिष्ठ अधिकारी (नि. सं. एवं नि. सा. दा.)
