नवी दिल्ली : जागतिक बुद्धिबळ चॅम्पियनशिपच्या १४व्या आणि अंतिम फेरीत चीनच्या डिंग लिरेनचा पराभव करून विजेतेपद पटकावून भारताची मान उंचवणाऱ्या ग्रँडमास्टर डी. गुकेश याची पंतप्रधान नरेंद्र मोदींनी भेट घेतली. जागतिक बुद्धिबळ स्पर्धेचे विजेतेपद जिंकल्याबद्दल पंतप्रधान यांनी त्याचे अभिनंदन केले. यावेळी गुकेशचे आई-वडीलही उपस्थित होते. वयाच्या १८ व्या वर्षी जागतिक बुद्धिबळ चॅम्पियनशीप जिंकून नवा इतिहास रचला आहे.
पंतप्रधान निवासस्थानी झालेल्या या बैठकीचे फोटो शेअर करताना, पीएम मोदींनी त्यांच्या X हँडलवर लिहिले की, बुद्धिबळ चॅम्पियन आणि भारताचा अभिमान गौरव डी. गुकेश यांच्याशी छान संवाद साधला. गेल्या काही वर्षांपासून मी त्याच्याशी जवळून संवाद साधत आहे आणि मला त्याच्याबद्दल सर्वात जास्त प्रभावित करते ते म्हणजे त्याचा दृढनिश्चय त्याचा आत्मविश्वास खरोखरच प्रेरणादायी आहे. खरं तर, मला काही वर्षांपूर्वीचा त्याचा एक व्हिडिओ आठवतो, ज्यामध्ये तो म्हणाला होता की तो सर्वात तरुण जगज्जेता होईल, ही भविष्यवाणी आता त्याच्या स्वत: च्या प्रयत्नांमुळे खरी ठरली आहे.
यावेळी पीएम मोदींनी गुकेशच्या पालकांशीही चर्चा केली. ते म्हणाले, प्रत्येक खेळाडूच्या यशात पालकांचा मोठा वाटा असतो. प्रत्येक कठीण प्रसंगात त्याला साथ दिल्याबद्दल मी गुकेशच्या पालकांचे कौतुक केले. त्यांचे समर्पण तरुण इच्छूकांच्या असंख्य पालकांना प्रेरणा देईल, जे क्रीडा करिअर म्हणून घेण्याचे स्वप्न पाहत असतील.
या भेटीत गुकेशने पीएम मोदींना एक खास भेटही दिली. त्यांनी पंतप्रधानांना बुद्धिबळाचा बोर्ड भेट म्हणून दिला. यावेळी पंतप्रधान यांनी गुकेशकडून ज्या खेळात तो जिंकला होता त्या खेळाचा खरा बुद्धिबळ बोर्ड मिळाल्याने मला खूप आनंद झाला. तो आणि डिंग लिरेन या दोघांनी स्वाक्षरी केलेला बुद्धिबळ हा एक अमूल्य स्मृतिचिन्ह असल्याचे म्हटले.
