कोकणातील रेल्वे स्थानकांचा विकास होणार

मुंबई: कोकणातील पर्यटनाला चालना देण्याचा निर्णय सह्याद्री अतिथीगृह येथे घेण्यात आला. कोकण रेल्वे महामंडळ मर्यादित व सार्वजनिक बांधकाम विभाग, यांच्यामध्ये सामंजस्य करार झाला त्याअंतर्गत रायगड, रत्नागिरी व सिंधुदुर्ग कोकण रेल्वे स्थानकाच्या पोहोच मार्गाचे देखभाल दुरुस्ती व परिसरातील सुशोभीकरण करण्याचे नियोजन करण्यात आले आहे. कोकण रेल्वे महामंडळ अंतर्गत येणाऱ्या महाराष्ट्रातील एकूण ३७ रेल्वे स्थानकांच्या देखभाल व दुरुस्तीचे काम लवकरच सुरु करण्यात येणार आहे.  सार्वजनिक बांधकाम विभागामार्फत या रस्त्यांची १० वर्षापर्यंत देखभाल दुरुस्ती करण्यात येणार आहे. भविष्यात हा सामंजस्य करार ३० वर्षापर्यंत वाढविण्याची तरतूद करण्यात आली आहे.यावेळी केंद्रीय मंत्री नारायण राणे, उपमुख्यमंत्री देवेंद्र फडणवीस, सार्वजनिक बांधकाम मंत्री रविंद्र चव्हाण उपस्थित होते.