३२ तास शोधकार्य
डोंबिवली / शंकर जाधव : ठाकुर्ली येथील पंपहाउस मधील खोल विहीर पडून मृत्यू एका १८ वर्षीय तरुणाचा मृत्यू झाला.त्याच्या बरोबर असलेल्या दोन मित्रांनी विष्णूनगर पोलिसांनी याबबत माहिती दिली असता पोलिसांनी शनिवारी रात्री अग्निशामक दलाला कळविले. तरुणचा मृतदेह शोधण्याचे काम ३२ तास सुरु होते. सोमवारी सायंकाळी अग्निशामक दलाच्या जवानांना विहिरीत तरुणाचा मृतदेह सापडला.
मिळालेल्या माहितीनुसार, बिलाल सोहिल शेख ( १८ ) असे खोल विहिरीत पडून मृत्यू पावलेल्या तरुणाचे नाव आहे. मुंब्रा येथील बिलाला हा दोन मित्रांसह शनिवारी सायंकाळी ठाकुर्ली येथील पंपहाउस येथे रिल काढण्यासाठी गेला होता. रील काढताना बिलाल विहिरीत पडला. हे पाहून त्याचे दोन मित्र जवळील रेल्वे सुरक्षा बलाकडे गेले. मित्रांनी माहिती देताच रेल्वे सुरक्षा बलाने विष्णूनगर पोलिसांना कळविले. विष्णूनगर पोलिसांनी डोंबिवली पश्चिमेकडील अग्निशामक दलाचा माहिती दिली. स्थानक अधिकारी रामचंद्र महाला, विनय कोयंदे, राजेश कासवे, केदार मराठे, महिला कर्मचारी या पथकांनी सदर ठिकाणी शोध कार्य सुरु केले. ३२ तास शोध कार्य सुरु होते. सोमवारी सायंकाळी बिलाल याचा मृतदेह अग्निशामक दलाच्या जवानांना बाहेर काढण्यास यश आले.
