भाजप प्रदेश अध्यक्ष चंद्रशेखर बावनकुळे यांचे आश्वासन
डोंबिवली ( शंकर जाधव ) : भारतीय जनता पार्टी महाराष्ट्र प्रदेश अध्यक्ष आमदार चंद्रशेखर बावनकुळे यांनी शिवसेना डोंबिवली मध्यवर्ती शाखेत भेट दिली.२०२४ सालच्या होणाऱ्या लोकसभा निवडणुकीत कल्याण लोकसभा मतदारसंघात युतीचे उमेदवार हे डॉ. श्रीकांत शिंदेच असणार असे आश्वासन दिले.
भाजपा महाराष्ट्र प्रदेशाचे सन्माननीय अध्यक्ष आमदार चंद्रशेखर बावनकुळे यांनी आज रविवारी शिवसेना डोंबिवली शहर शाखेला भेट दिली. यावेळी त्यांच्यासोबत महाराष्ट्र राज्याचे सार्वजनिक बांधकाम मंत्री रवींद्र चव्हाण, कल्याण पूर्व विधानसभेचे आमदार गणपत गायकवाड, भाजप ज्येष्ठ नेते व आमदार संजय केळकर, भाजपा जिल्हा अध्यक्ष नाना सूर्यवंशी, ज्येष्ठ नेते शशिकांत कांबळे, ज्येष्ठ नगरसेवक राहुल दामले, मंदार हळबे, संदीप पुराणिक तसेच अनेक मान्यवर नगरसेवक, पदाधिकारी व भाजपा कार्यकर्ते उपस्थित होते. शिवसेना शहर शाखेत भेट दिलेल्या सर्व मान्यवरांचे स्वागत शहर प्रमुख राजेश मोरे यांच्या शुभहस्ते करण्यात आले. बावनकुळे यांनी शहर शाखेतील छत्रपती शिवाजी महाराजांच्या अर्धाकृती पुतळ्यास पुष्पहार अर्पण केला. करण्यात आला.यावेळी शिवसेना शाखेतील बोर्डवर वर्तमानपत्रातील विविध बातम्यांची कात्रणे लावली होती. त्यातील बातमी वाचत २०२४ सालात कल्याण लोकसभा मतदार संघाची निवडणूक डॉ. श्रीकांत शिंदे हेच लढविणार आणि डॉ. शिंदे लक्षावधी मतांनी पुन्हा निवडून येतील असा विश्वास व्यक्त केला.
भाजप प्रदेश अध्यक्ष चंद्रशेखर बावनकुळे यांनी २०२४ सालात होणारी कल्याण लोकसभा मतदारसंघात युतीच्या वतीने डॉ. श्रीकांत शिंदे हेच निवडणूक लढविणार असे आश्वासन दिले.
या प्रसंगी शिवसेनेचे उपजिल्हाप्रमुख राजेश कदम, उपशहर प्रमुख राजेश मुणगेकर, कार्यालय प्रमुख प्रकाश शांताराम माने, शाखाप्रमुख वैभव राणे, ज्येष्ठ शिवसैनिक सुनिल मालणकर, झोपडपट्टी महासंघ प्रमुख हरिश्चंद्र कांबळे, महाराष्ट्र जनरल मजदूर संघटनेचे नामदेव भानुसे, पिराजी काकडे, आणि अनेक शिवसेना पदाधिकारी व शिवसैनिक उपस्थित होते.