३७ व्या नॅशनल गेम्स स्पर्धेत जिम्नॅस्ट इशिता रेवाळेची उल्लेखनीय कामगिरी!

 विलेपार्ले येथील प्रबोधनकार ठाकरे क्रीडा संकुलाची भरारी

 मुंबई ( नारायण सावंत / ज्येष्ठ पत्रकार) :  प्रबोधनकार ठाकरे क्रीडा संकुल, विलेपार्ले येथे प्रशिक्षण घेणारी इशिता सुनिल रेवाळे हिने नुकत्याच पार पडलेल्या मापसा, गोवा येथील ३७ व्या नॅशनल गेम्स जिम्नॅस्टिक्स स्पर्धेत फ्लोअर एक्सरसाईज व व्हॉल्टिंग टेबल या क्रीडा प्रकारात कांस्य पदकांची कमाई करत वैयक्तिक पाचवा क्रमांक मिळवत मुलींच्या महाराष्ट्र संघाला रौप्य पदक मिळवण्यास हातभार लावला. अरविंद प्रभू (अध्यक्ष), डॉ. मोहन राणे (सचिव), नीलम बाबरदेसाई (जिम्नॅस्टिक्स विभाग प्रमुख) यांच्या पाठिंब्यामुळे आणि प्रशिक्षक विशाल कटकदौंड यांच्या मार्गदर्शनाखाली यश मिळवल्या बद्दल इशितावर सर्वत्र अभिनंदनाचा वर्षाव होत आहे.