भक्तिवेदांत हॉस्पिटल अँड रिसर्च सेंटर, मीरारोड आणि संकटमोचन हनुमान मंदिर, लोढा हेरिटेज, डोंबिवली यांच्या संयुक्त विद्यमाने मोफत डोळ्यांचे चिकित्सा शिबीर या सामाजिक उपक्रमाला काल दोन वर्षे पूर्ण झाली.
सदर उपक्रम हा डोंबिवली येथील बिमल नथवाणी यांच्या प्रयत्नातून भक्तिवेदांत हॉस्पिटलचे डॉ. संतोष चौधरी यांच्या मार्गदर्शनाखाली व चॅरिटी व्यवस्थापक विद्या मॅडम तसेच ऑफिस इनचार्ज दुर्गा वडे यांच्या समन्वयाने जून २००२ पासून सामन्य नागरिकांचे मोफत डोळे तपासणी व मोतीबिंदू शस्त्रक्रियाच्या शिबिरास सुरुवात संकट मोचन हनुमान मंदिर - लोढा हेरिटेज येथे करण्यात आली.
सदर शिबीर हे प्रत्येक महिन्याच्या तिसर्‍या गुरुवारी आयोजित करण्यात येते. सदर शिबिराचे माध्यमातून अनेक नागरिकांना लाभ मिळाला. गेल्या दोन वर्षांपासून या शिबिरात २००० हून अधिक नागरिकांची मोफत डोळे तपासणी करण्यात आली, तसेच ३८० नागरिकांची मोतीबिंदू शस्त्रक्रिया संपूर्ण मोफत करण्यात आली. या बद्दल डोंबिवली परिसरातील नागरिकांकडून सदर उपक्रमाचे कौतुक केले जात आहे.
ह्या शिबिराचे आयोजन वर्षभर श्री संकट मोचन हनुमान मंदिर परिसरात केले जात होते. मात्र नागरिकांचे सुविधेसाठी गेल्या एक वर्षांपासून नांदिवली येथील स्वामी समर्थ माठाच्या समोर विश्वा इंजिनिअरिंगच्या कार्यालय परिसरात आयोजित करण्यात येते. सदर कार्यालयाची जागा उपलब्ध करून इतरही आवश्यक सहकार्य किशोर आढळकर व त्यांचे कर्मचारी करत असतात.
सदर शिबिराचे आयोजन व नियोजन करण्यात बिमल नथवाणी, किशोर आढळकर, हनुमान चौधरी, तसेच रोटरी क्लब ऑफ मीड टाऊनचे अध्यक्ष प्रदीप बुडबाडकर त्याचप्रमाणे गुणवंत पाटील, शिव शंकर कनोजिया ,अशोक धांदा , भारतभूषण मिश्रा यांचे मोठे योगदान असून न्यू श्री सद्गुरू सोसायटीचे सदस्यांचे देखील सहकार्य मिळत आहे. तसेच भक्तिवेदांत हॉस्पिटलचे शिबीर समन्वयक राकेश कनोजिया व अमोल पाटील ह्यांची देखील मोलाची भूमिका शिबिराचे आयोजनात असते.
