Ayodhya deepotsav : अयोध्येत होणार विक्रमी दीपोत्सव

अयोध्या : दीपोत्सव यशस्वी करण्यासाठी ३० हजार स्वयंसेवक राम की पायडी आणि भजन संध्या स्थळाच्या ५५ घाटांवर ७२ तासांत २८ लाख दीपप्रज्वलन करणार आहेत. या दीपोत्सवात २५ लाख दिवे लावून विश्वविक्रम करण्याची जोरदार तयारी सुरू आहे. कोरिया पार्क मध्ये दिवे जमा केले जात आहे. आतापर्यंत २० लाख दिवे वितरित करण्यात आले आहेत.

दीपोत्सवाचे नोडल अधिकारी प्रा.संत शरण मिश्रा म्हणाले की, सर्व स्वयंसेवक २८ ऑक्टोबर रोजी सकाळी राम की पायडी येथे पोहोचतील. घाटांवर रामायण काळातील चित्रे कोरल्यानंतर दिवे लावण्यास सुरुवात होणार आहे. हे काम २९ ऑक्टोबरपर्यंत सुरू राहणार असून ३० ऑक्टोबर रोजी मुख्य कार्यक्रमाच्या दिवशी सकाळपासून दिव्यामध्ये तेल ओतून संध्याकाळी ते प्रज्वलित करण्यात येणार आहे.

या कामासाठी स्वयंसेवकांना दररोज आठ तास काम करावे लागणार आहे. त्यांना घाटावर नेण्याची, चहा, नाष्टा, भोजनाची व्यवस्था विद्यापीठ प्रशासनाकडून करण्यात येणार आहे. जाळण्यासाठी वापरलेले तेल व वात २९ ऑक्टोबरपूर्वी पोहोचविण्याच्या सूचना देण्यात आल्या आहेत. घाटांवर दिवे बसवल्यानंतर त्यांच्या सुरक्षेची जबाबदारी विद्यापीठ आणि जिल्हा प्रशासन संयुक्तपणे घेणार आहे. यासाठी सुरक्षा कर्मचाऱ्यांव्यतिरिक्त एनसीसीचे जवान ड्युटीवर लावले जाणार आहेत.

सर्व स्वयंसेवकांसाठी ड्रेस कोड निश्चित करण्यात आला आहे. विद्यापीठ प्रशासनाच्या म्हणण्यानुसार, सर्व स्वयंसेवक पांढरे टी-शर्ट आणि कॅप परिधान करतील. ज्यावर दीपोत्सवाचा लोगो अंकित केला जाईल. हा टी-शर्ट पर्यटन विभागाने दिला होता. तर कॅप विद्यापीठ प्रशासनाकडून दिली जाणार आहे.

या कार्यक्रमासाठी विशेष पास तयार करण्यात आले आहे. त्यामुळे २८ ऑक्टोबरपासून राम की पायडी या मुख्य कार्यक्रमाच्या ठिकाणी पास नसलेल्या सर्वसामान्यांचा प्रवेश बंद करण्यात येणार आहे. नोडल अधिकारी प्रा.संत शरण मिश्रा यांनी सांगितले की, अवध विद्यापीठ प्रशासनाकडून सर्व स्वयंसेवकांना फोटोसह पास दिले जाणार आहे. ज्यावर त्याचा फोटो, कार्यक्षेत्र इत्यादींचा उल्लेख असेल. ते गळ्यात घालणे त्यांना बंधनकारक असेल. हे कार्ड इतरांकडून वापरले जाणार नाही, असे आढळून आल्यास संबंधितांवर कारवाई केली जाईल.