गेल इंडिया लिमिटेड, उसर यांचा उपक्रम
अलिबाग, ( धनंजय कवठेकर) : गेल इंडिया लिमिटेड, उसर यांच्यावतीने धसाडे, कुणे गावातील महिला व मुलींसाठी पाच दिवसीय मोफत स्वसंरक्षण स्वयंसिद्धा प्रशिक्षण शिबिराचे आयोजन अनुप गुप्ता - मुख्य महाप्रबंधक पीडीएचपीपी प्रोजेक्ट गेल उसर व जितिन सक्सेना - महाप्रबंधक, शितल लाकरा - मुख्य प्रबंधक यांच्या प्रमुख मार्गदर्शनाखाली करण्यात आले असून सदर प्रशिक्षण शिबिराचे उद्घाटन शशिकला धसाडे पोलीस पाटील यांच्या हस्ते करण्यात आले.
यावेळी या कार्यक्रमास आंतरराष्ट्रीय खेळाडू तथा प्रिझम संस्थेच्या अध्यक्षा तपस्वी नंदकुमार गोंधळी, सामाजिक कार्यकर्त्या तथा ग्रामस्थ रंजना मधुकर धसाडे, दिपाली दिलीप धसाडे, पूजा राजेंद्र धसाडे- ICRP कुणे बचत गट प्रमुख, जिया जयेश धसाडे-स्वराज्य ग्रामसंघ खजिनदार, लक्ष्मी दशरथ नाईक, रितिका महेंद्र धसाडे, प्रगती उमेश धसाडे, तुळसा बळीराम धसाडे, वनिता विश्वनाथ धसाडे, उर्मिला लक्ष्मण धसाडे, सुजाता जगन सुतार, सुप्रिया अजय धसाडे- स्वराज्य ग्रामसंघ लिपिक प्रशिक्षिका प्रणाली तळेगावकर, हर्षाली नागावकर, वेदिका लाडगे व प्रशिक्षणार्थी उपस्थित होते.
सर्व मान्यवरांच्या हस्ते गणेशाच्या प्रतिमेस पुष्पहार अर्पण करून शशिकला दिनेश धसाडे यांनी उपस्थित महिला व मुलींना शुभेच्छा देत स्वसंरक्षणाचे महत्त्व सांगितले व प्रिझम सामाजिक विकास संस्थेस शुभेच्छा दिल्या तर तपस्वी गोंधळी यांनी या पाच दिवसाच्या स्वयंसिद्धा प्रशिक्षण शिबिरामध्ये कशाप्रकारे प्रशिक्षण दिले जाणार आहे याविषयी सविस्तर माहिती दिली. या प्रशिक्षणास धसाडे, कुणे गावातील महिलांचा उत्स्फूर्त प्रतिसाद लाभत आहे.
