गाळेधारकांचा विरोध; पालिका मात्र आपल्या भूमिकेवर ठाम
डोंबिवली \ शंकर जाधव : डोंबिवली पूर्वेकडील मानपाडा रोडवरील पाच गाळ्यांवर सोमवारी पलिका प्रशासनाने कारवाई सुरु केली. या कारवाईला गाळेधारकांनी विरोध दर्शविला. मात्र पालिकेचे सहाय्यक आयुक्त संजय कुमावत यांनी सदर कारवाई न्यायालयाच्या आदेशानुसार होत आल्याचे सांगितले. तर आम्ही कारवाई तेव्हाच करून देऊ जेव्हा आम्हाला न्यायाल्याच्या आदेशाची दाखवाल असे गाळेधारकांनी स्पष्ट केले.
डोंबिवली पूर्वकडील मानपाडा रोडवरील गेली साठ वर्षापासून पाच गाळे आहेत. तर बाजूकडील रिलक्स बार अँड रिस्टोरेंटच्या मालकाने स्वतः हुन आपले दुकान तोडण्यास सुरुवात केली.मात्र बाजूकडील पाच दुकानांवर सोमवार जेसीबीच्या साहाय्याने कारवाई करण्यास सुरुवात केली. यावेळी येथील गाळेधारकांनी आम्हाला कारवाईच्या आदेशाची प्रत दाखवा,तरच कारवाई कारवाई करून देऊ अशी भूमिका घेतली.
याबाबत गाळेधारक म्हणाले, ही कारवाई अन्यायकारक आहे. आम्ही मतदान केले पण आमच्या मदतीला एकही जण आले नाही. पालिका प्रशासन आम्हाला कारवाईची प्रत का दाखवित नाही. कारवाई विरोध नाही पण आदेश तर दाखवा. तर पालिका उपायुक्त अवधूत तावडे म्हणाले, एका याचिकाकर्त्याच्या याचिकेवर न्यायालयाने डोंबिवलीतील पाच गळ्यावर कारवाई करण्याचे आदेश दिले आहेत. या आदेशानुसार या गळ्यांवर कारवाई झाली आहे.