दिवा \ आरती परब : दिवा रस्त्यावरील चंद्रांगण रेसिडेन्सी गृहसंकुला मध्ये माजी आमदार सुभाष भोईर यांच्या पुढाकारातून व आई वडिलांच्या पुण्याईतून आणि प. पु. स्वामी डी. के. दास महाराज यांच्या आशीर्वादाने बांधण्यात आलेल्या श्री दत्त मंदिरामध्ये श्री दत्त जन्मोत्सव सोहळा आयोजित करण्यात आला. यानिमित्ताने विविध धार्मिक कार्यक्रमांचे आयोजन करण्यात आले आहे.
श्री दत्त जन्मोत्सव सोहळ्यानिमित्त दुपारी ३.३० ते सायं ४.१५ पर्यंत हरिपाठ (गावदेवी महिला हरिपाठ मंडळ खार्डी) दिवा विभागातील विविध भजनी मंडळांकडून सुस्वर भजनांचा कार्यक्रम आयोजित करण्यात आला होता.
तसेच सायं. ४.३० ते ६.०० ह.भ.प.श्री. नारायण महाराज भोईर स्टेशन दिवा यांचे श्री हरीकीर्तन(श्री दत्त जन्माचा) सुश्राव्य किर्तन आयोजित करण्यात आले होते. श्री दत्त मंदिरात श्री दत्त जन्मोत्सवाचा सोहळा अतिशय भव्यदिव्य प्रमाणात धार्मिक कार्यक्रमांच्या माध्यमातून संपन्न होत असतो. या सोहळ्याला २३ गावे एकादशी ग्रुप (दिवा, शिळ, देसाई, दहिसर विभाग) तसेच कल्याण ग्रामीण परिसरातील वारकरी संप्रदायाची साथ लाभते.
श्री दत्त जन्मोत्सवाच्या निमित्ताने मोठ्याप्रमाणावर भाविक भक्तगण मंदिरा मध्ये दर्शनाकरिता येत असतात. या निमित्ताने श्री दत्त जन्मोत्सव सोहळ्यामध्ये मोठ्या संख्येने सहभागी होवून भाविक भक्तगण दर्शनाचा लाभ घेतला.