मुंबई, : पी.जे. हिंदू जिमखाना ’अ’ संघाने जुहू विलेपार्ले जिमखाना संघाचा (जेव्हीपीजी) 441-259 अशा मोठ्या फरकाने पराभव करताना बिलियर्ड्स अँड स्नूकर असोसिएशन ऑफ महाराष्ट्र (बीएसएएम) आयोजित ग्रेटव्हाइट-सीसीआय केकू निकोल्सन मुंबई बिलियर्ड्स लीगच्या (2023) उपांत्यपूर्व फेरीत धडक मारली. अनुभवी बिलियर्ड्सपटू सिद्धार्थ पारीखने 112 आणि 79 गुणांचा ब्रेक त्यांच्या विजयाचे प्रमुख वैशिष्ट्य ठरले.
क्रिकेट क्लब ऑफ इंडियाच्या सर विल्सन जोन्स बिलियर्ड्स हॉलमध्ये गेलेल्या सामन्यात राउंड ऑफ सिक्स्टिन फेरीत पारीखने छाप पाडली. स्पर्धेतील त्याचा हा दुसरा शतकी ब्रेक आहे. यापूवी, साखळी फेरीत त्याने 204 गुणांचा ब्रेक केला होता.
दरम्यान, गतविजेते मंडपेश्वर सिव्हिक फेडरेशनने (एमसीएफ) माटुंगा जिमखाना ‘ब’ संघाची घोडदौड 426-328 अशी रोखताना जेतेपद राखण्यादृष्टीने आणखी एक पाऊल पुढे टाकले. यजमान क्रिकेट क्लबला बॉम्बे जिमखान्याकडून 465-522 असा पराभव पत्करावा लागला.
एनएससीआयने देखील उपांत्यपूर्व फेरीत प्रवेश करताना शिवाजी पार्क जिमखान्याला 656-523 असे पराभूत केले.
Tags
क्रीडा