थकीत कर भरण्यासाठी पालिकेकडून मुदतवाढ

 

१८ ऑगस्टपर्यत अभय योजनेचा लाभ घेता येणार

डोंबिवली ( शंकर जाधव ) :  थकीत कर वसुलीच्या दृष्टीकोनातून 75% टक्के व्याजमाफीची अभय योजना -2023 लागू करण्यात आली असून संपूर्ण थकबाकीसह चालू वर्षाच्या कराची संपूर्ण रक्कम अधिक शास्ती (दंड / व्याज ) ची रक्कम 25 % रक्कम एकरकमी भरल्यास 75 % टक्के शास्ती दंड / व्याज माफ केले जाणार असून या योजनेला मुदतवाढ देण्यात आली आहे. या योजनेचा कालावधी दि 15 जून 2023 ते 31 जुलै 2023 असा होता. आता याची मुदतवाढ 18 ऑगस्ट 2023 पर्यत करण्यात आली आहे.

आत्तापर्यंत एकूण 35835 थकीत करदात्यांनी या योजनेचा लाभ घेतला असून रु. 160.80 कोटी वसूल झाले आहेत. थकीत करदात्यांनी या योजनेस दिलेल्या उत्स्फुर्त प्रतिसादाबद्दल थकीत करदात्यांचे प्रशासनाकडून आभार व्यक्त करीत असून अभय योजना -2023 मुदत 18 ऑगस्ट 2023 पर्यत वाढविण्यात येत आहे. तसेच चालू वर्षाची कराची संपूर्ण रक्कम एकरकमी जमा करणा-यांना देण्यात येणा-या 5% टक्के सुटीची मुदत 31 ऑगस्ट 2023 पर्यत वाढविण्यात येत आहे. तरी सर्व मालमत्ता करदात्यांनी याचा लाभ घ्यावा व महापालिकेस सहकार्य करुन विकासाला हातभार लावावा असे आवाहन प्रशासनामार्फत करण्यात येत आहे.