कामगारांच्या मुलांना शिक्षणासाठी आर्थिक मदत
डोंबिवली ( शंकर जाधव ) : हातावर पोट असणाऱ्या कामगारांना आर्थिक मदत मिळावी, त्यांच्या पाल्यांना शिक्षणासाठी, विवाहकरता आथिर्क मदत व शासनाच्या योजनांचा लाभ मिळवून देण्यासाठी प्रयत्न करणाऱ्या महाराष्ट्र जनरल मजदूर संघटना (रजी.) यांच्या वतीने कष्टकरी नाका कामगारांना गुरुवार २१ तारखेला रोजी डोंबिवली पूर्वेकडील स्टेशन बाहेरील परिसरात २८३ हुन अधिक नाका कामगारांना सेफ्टीकीट व अत्यावश्यक संच/ सुरक्षा संचाचे वाटप करण्यात आले. सर्व नाका कामगारांचे मोफत आरोग्य तपासणी शिबीराचे आयोजन केले होते.
कार्यक्रमास प्रमुख पाहुणे म्हणुन नितीन गीते ( वरिष्ठ पोलीस निरीक्षक डोंबिवली रामनगर), जयवंत चौधरी (फ प्रभाग क्षेत्र अधिकारी अनधिकृत विभाग), माणिकराव त्रिंबक उघडे ( संस्थापक अध्यक्ष रिपब्लिकन झोपडपट्टी महासंघ/आर पी आय नेते), अजय पौळकर (काँगेस पदाधिकारी), लक्ष्मण माणिकराव मिसाळ (संस्थापक अध्यक्ष), नामदेव भानुसे (युवाध्यक्ष), विश्वनाथ रेवगडे (खजिनदार), वंदना जाधव (महिला शहराध्यक्ष), राणा शेठ (केंद्रिय कमिटी सदस्य), कारभारी रेवगडे (कार्यालय प्रमुख), रामेश्वर शेजुळ (नाका अध्यक्ष), रामचंद्र वाघ (डोंबिवली उपाध्यक्ष) चंद्रकांत गायकवाड (कुर्ला जिल्हाध्यक्ष) आदि मान्यवर उपस्थित होते.
संघटनेच्या प्रयत्नातून नाका कामगारांच्या मुलांच्या शैक्षणिक शिष्यवृती १ ली ते ७ वी पर्यंत २५०० रू,८ वी ते १० वी ५हजार,११ वी १२ वी १० हजार, महाविद्यालयीन पदवी प्रथम ते तृतीया वर्ष २० हजार, इंजिनियरिंग शिक्षणाकरिता प्रती वर्षी ६० हजार, वैद्यकीय शिक्षण करिता प्रती वर्षी १लाख रुपये, कामगारांच्या स्वतःच्या विवाहा करिता ३० हजार, कामगारांच्या मुलींच्या विवाहकरिता ५१ हजार, कामगारांच्या पत्नी प्रसूती नॉर्मल १५ हजार व सिजरिंग २० हजार तसेच कामगार काम करत असताना निधन झाल्यास वारसांना ५ लाख रुपये, काम करत असताना अपंगत्व आल्यास २ लाख रुपये, कुटुंबातील ४व्यक्तींना गंभीर आजारकरिता १ लाख रुपये आर्थिक सहाय्य केले जाते. अशा विविध ३० योजनांवर संघटना कामकाज करते.या सर्व शासकिय योजनांचा लाभ घेण्याकरिता कामगारांनी संघटनेच्या ऑफिसमध्ये येऊन आपली नोंदणी करून घ्यावी असे संघटनेचे अध्यक्ष लक्ष्मण मिसाळ म्हणाले तसेच कामगारांना लाभ मिळवुन देण्याकरीता संघटना मेहनत करते.