माजी क्रिकेटपटू शोएब मलिक-सना जावे लग्नबंधनात

 

नवी दिल्ली.  पाकिस्तान क्रिकेट संघाचा माजी कर्णधार शोएब मलिकने सर्वांना चकित करत पाकिस्तानी अभिनेत्री सना जावेसे लग्न केले आहे. सानिया मिर्झापासून घटस्फोट घेतल्यानंतर शोएबने सनासोबत लग्न केल्याची बातमी सोशल माध्यमातून समोर येत आहे. सना जावेदचे शोएब मलिकसोबतचे हे दुसरे लग्न आहे. सना जावेदसोबत लग्न केल्यानंतर शोएब मलिकने त्याच्या सोशल मीडिया अकाउंटवर फोटो शेअर केले आहेत. 

वास्तविक, सना जावेद ही पाकिस्तानी अभिनेत्री आहे आणि ती गेल्या १२ वर्षांपासून अभिनयात आपले कौशल्य दाखवत आहे.  सनाने पाकिस्तानच्या अनेक प्रसिद्ध शोमध्ये काम केले आहे.  यासोबतच ती म्युझिक व्हिडिओमध्येही दिसली आहे.  सनाचे वय ३० वर्षे असून ती कराचीची रहिवासी आहे.  सनाने पाकिस्तानातील प्रसिद्ध मालिका शहर-ए-जातमध्ये महत्त्वाची भूमिका साकारली आहे. शोएब आणि सना यांच्या डेटिंगच्या बातम्या फार पूर्वीपासूनच येत होत्या.

सन २०२० च्या सुरुवातीला सनाने उमेर जसवालसोबत लग्न केले होते, परंतु त्यांच्यातील हे नाते फार काळ टिकू शकले नाही आणि अलीकडेच त्यांचा घटस्फोट झाला होता.

सानिया मिर्झा आणि शोएब मलिक लवकरच घटस्फोट घेऊ शकतात अशी अनेक दिवसांपासून चर्चा होती. शोएब मलिकने २०१० मध्ये सानियाशी लग्न केले. मात्र, गेल्या काही वर्षांपासून त्यांच्या नात्यात दुरावा असल्याच्या बातम्या येत होत्या. ४१ वर्षीय शोएबचे सानिया मिर्झा सोबत दुसरे लग्न होते. त्याआधी शोएब आणि आयेशा सिद्दीकी यांचा घटस्फोट झाला होता. सानिया आणि सोहराब मिर्झा यांचा साखरपुडा झाला पण लग्न झाले नव्हते.