डोंबिवलीत मंत्री रवींद्र चव्हाण, खासदार डॉ. श्रीकांत शिंदे व मनसे आमदार राजू पाटील एकाच व्यासपीठावर
डोंबिवली ( शंकर जाधव ) : डोंबिवलीजवळील भोपरगाव- देसलेपाडा मुख्य रस्त्याचे कॉंक्रीटीकरणचा उद्घाटन सोहळ्याप्रसंगी सार्वजनिक बांधकाम मंत्री रविंद्र चव्हाण, खासदार डॉ. श्रीकांत शिंदे आणि मनसे आमदार प्रमोद ( राजू ) पाटील हे एकाच व्यासपीठावर आले होते. यावेळी मंत्री चव्हाण यांनी हिंदुत्वाच्या आणि विकासाच्या अजेंड्यावर एकत्रित आहोत, हा मतदारसंघ उजव्या विचारसरणीचा आहे. या उजव्या विचारसरणीच्या मतदार संघात श्रीकांत शिंदे पुन्हा हॅट्रिक करतील असे म्हटले.
यावेळी सार्वजनिक बांधकाम मंत्री म्हणाले, काही वेळेस वरिष्ठ मंडळींची जी भावना असते ती भावना स्पष्ट करता येत नसतात, कल्याण लोकसभेमधील असलेले सर्व लोकप्रतिनिधी एकत्रित आहोत. आम्ही तिघे एकत्रच आहोत असून स्थानिक पातळीवर आम्ही सर्वजण अनेक वर्ष विकासाचा अजेंडा घेऊन चाललोय असे सांगितले. युती यासंदर्भातले निर्णय वरिष्ठ मंडळी घेत असतात. परंतु स्थानिक पातळीवर आम्ही सर्वजण अनेक वर्ष विकासाचा अजेंडा घेऊन चाललोय. हिंदुत्वाच्या आणि विकासाच्या अजेंड्यावर एकत्रित आहोत, हा मतदारसंघ उजव्या विचारसरणीचा आहे. या उजव्या विचारसरणीच्या मतदार संघात श्रीकांत शिंदे पुन्हा हॅट्रिक करतील.
नवी मुंबईत समाविष्ट करण्यात आलेल्या १४ गावांमधील दहिसर मोरी येथे रस्ते काँक्रिटी करण्यासाठी १४ कोटींचा निधी मंजूर करण्यात आला, त्याच प्रमाणे डोंबिवली जवळील भोपाळ ते कोपर या रस्त्याच्या काँक्रीट करण्यासाठी देखील वीस कोटींचा निधी मंजूर करण्यात आला आहे. सार्वजनिक बांधकाम खात्यातून शंकेश्वर नगर ते भोपरगाव-देसलेपाडा या मुख्य रस्त्याच्या कॉंक्रीटीकरणासाठी १५ करोड मंजूर झाले असून या रस्त्याच्या कामासाठी माजी नगसेविका रविना अमर माळी, संदीप माळी, सचिन म्हात्रे व संजय देसले यांनी केला आहे.
