पहिल्यांदाच फडके पाडा गावात महिला डॉक्टर
डोंबिवली ( शंकर जाधव ) : दिवा शहरालगत असलेल्या फडकेपाडा गावातील रिक्षा चालकाची कन्या वेदश्री यशवंत पाटील हिने डॉक्टर होण्याचे स्वप्न पूर्ण केले. दिवा ते शिळफाटा अशा मार्गांवर रिक्षा चालवणारे यशवंत गंगाराम पाटील यांची वेदश्री ही मुलगीआहे. तिने बीएचएमएस पदवी प्राप्त केल्याने गावाने तिच्यावर कौतुकाचा वर्षाव केला आहे.पहिल्यादाच फडके पाडा गावात महिला डॉक्टर झाली आहे. त्यामुळे खूपच आनंद होत असल्याचे गावाकऱ्यांनी सांगितले.
माजी नगरसेवक हिरा पाटील, माजी नगरसेवक बाबाजी पाटील, आमदार राजू पाटील, उपमहापौर रमाकांत मढवी , कल्याण ग्रामीण खासदार, श्रीकांत शिंदे, माजी आमदार सुभाष भोईर, युवा सेना अधिकारी सुमित भोईर, शिवसेना पदाधिकारी काळुराम पाटील, दत्तू म्हात्रे, वैभव आलिमकर, चंद्रकांत आलिमकर, रमेश काठे, मनसे पदाधिकारी शरद पाटील, दिनेश पाटील यांनी वेदश्री पाटीलला शुभेच्छा देत पुढील वाटचालीसाठी शुभेच्छा दिल्या आहेत. फडकेपाडा गावातील ग्रामस्थांनी चौका चौकामध्ये शुभेच्छा आणि पुढील वाटचालीसाठी देण्याचे बॅनर लावले आहेत.
लहानपणापासून अभ्यासात हुशार असलेल्या वेदश्रीने डॉक्टर म्हणून रुग्णांची सेवा करण्याचे ध्येय मनाशी बाळगले होते. १ ली ते ४ थी - ठाणे महानगर पालिका शाळा क्र. ८४ फडकेपाडा,५ वी ते ७ वी - ठाणे महानगर पालिका शाळा क्र . ८१ शिळगाव, ८ वी ते १० वी. हाशा रामा पाटील माध्यमिक विद्यालय शिळगांव, ११ वी ते १२ वी.बी.एन बांदोडकर कॉलेज ऑफ सायन्स पदवी शिक्षण घेतले.श्रीमती कांचनबाई बाबुलालजी अबड होमिओपॅथिक मेडिकल कॉलेज चांदवड. (MUHS नाशिक) येथे तिने पूर्ण केले.हाशा रामा पाटील विद्यालय मध्ये शिक्षण घेत असताना तिथूनच तिला वैद्यकीय शिक्षणाची गोडी निर्माण झाली. स्वामी विवेकानंद आयुर्वेदिक मेडिकल कॉलेज श्री गोदा येथे तिला बीएचएमएससाठी प्रवेश मिळाला. वैद्यकीय च्या सर्व वर्षाचे शिक्षण तिने यशस्वीरित्या पूर्ण करून डॉक्टर होण्याची स्वप्न साकार केले.
मुलगी डॉक्टर झाल्याने आई-वडील व कुटुंबांना आनंदाला उधान आले आहे. वडिलांनी मुलीच्या कष्ट व परिश्रमाची चीज झाले. माझी मेहनत फळाला आली असे मत व्यक्त केले.
वेदश्री ने अतिशय प्रतिकूल परिस्थितीत विविध अडीअडचणीवर मात करून वैदीय शिक्षण पूर्ण केले गावासाठी ही अभिमानास्पद बाब आहे अन्य तरुणांनी तिचा आदर घ्यावा. परिस्थितीवर मात केल्यास दगडालाही पाझर फुटतो हे तिने अभ्यासातून सिद्ध केले. ग्रामस्था तर्फे तिचा सत्कार केल्याने अन्य तरुणींनाही त्यापासून प्रोत्साहन मिळेल हा हेतू आहे. असे तिचे वडील यशवंत गंगाराम पाटील, आई सुलोचना यशवंत पाटील म्हणाल्या.