टीमलीज डिग्री अप्रेंटिसशिप, टीमलीज सर्व्हिसेसचा उपक्रम
मुंबई, : टीमलीज डिग्री अप्रेंटिसशिप, टीमलीज सर्व्हिसेसचा भारतातील पहिला आणि सर्वात मोठा खासगी डिग्री अप्रेंटिसशिप कार्यक्रम, याने नुकतेच मुंबईतील लीला हॉटेलमध्ये उच्चस्तरीय सीएक्सओ कार्यक्रमाचे आयोजन केले. या कार्यक्रमाला फार्मा, मॅन्युफॅक्चरिंग, अभियांत्रिकी, आयटी, आणि BFSI यांसारख्या प्रमुख उद्योग क्षेत्रांतील नेत्यांनी हजेरी लावली, ज्यामुळे विविध क्षेत्रांमध्ये अप्रेंटिसशिप उपक्रमांच्या उपयुक्ततेवरील वाढता विश्वास अधोरेखित झाला. बियॉन्ड कंप्लायन्स: लेव्हरेजिंग अप्रेंटिसशिप्स फॉर स्ट्रॅटेजिक बिझनेस ग्रोथ या विषयाभोवती केंद्रित असलेल्या या चर्चासत्राचे नेतृत्व टीमलीज डिग्री अप्रेंटिसशिपचे मुख्य कार्यकारी अधिकारी (सीईओ) ए.आर. रमेश यांनी केले. डिजिटलायझेशन आणि एआयमुळे कार्यक्षेत्रांमध्ये होत असलेल्या मोठ्या बदलांच्या पार्श्वभूमीवर, या चर्चासत्रात सध्याच्या टॅलेंट मार्केटमधील आव्हाने आणि उद्योगांच्या वाढीसाठी अप्रेंटिसशिप कशा प्रकारे उपयुक्त ठरू शकतात, यावर भर देण्यात आला.
टीमलीज डिग्री अप्रेंटिसशिपचे सीईओ ए.आर. रमेश म्हणाले, महाराष्ट्र आर्थिक, मनोरंजन, आणि तंत्रज्ञानाच्या क्षेत्रात भारताचे प्रमुख केंद्र आहे आणि ९५० अब्ज रुपये गुंतवणूक आकर्षित करणे, ३.५ दशलक्ष रोजगार निर्मिती करणे, आणि १ ट्रिलियन रुपये निर्यात साध्य करणे यांसारखी महत्वाकांक्षी उद्दिष्टे ठेवत आहे. मात्र, एआय आणि डिजिटलायझेशनमुळे उद्योग झपाट्याने बदलत असताना, तरुण रोजगारयोग्यता हा महत्त्वाचा मुद्दा आहे. अप्रेंटिसशिप हे कौशल्य अंतर भरून काढण्यासाठी आणि उद्योगांना त्यांच्या गरजांनुसार प्रशिक्षित कार्यबल मिळवून देण्यासाठी एक धोरणात्मक उपाय ठरले आहे. मागील तीन वर्षांत महाराष्ट्राने ५९६,००० अप्रेंटिस सहभागी करून घेतले आहेत. आर्थिकवर्ष २०२२-२३ मध्ये १८६,००० अप्रेंटिस, तर आर्थिकवर्ष २०२३-२४ मध्ये २६३,००० अप्रेंटिस सहभागी झाले आहेत, ज्यामध्ये ४२% वाढ दिसून आली आहे. लाडका भाऊ योजना यांसारख्या उपक्रमांनी या प्रयत्नांना चालना दिली आहे.”
टीमलीज डिग्री अप्रेंटिसशिपचे उपाध्यक्ष व मुख्य व्यवसाय अधिकारी ध्रीती प्रसन्ना महंता म्हणाले, महाराष्ट्राने डिग्री अप्रेंटिसशिपसारख्या मॉडेलद्वारे कौशल्यविकासाच्या क्षेत्रात एक आदर्श निर्माण केला आहे. ऑटोमोटिव्ह, आयटी/आयटीईएस, आणि रिटेल या क्षेत्रांत अनुक्रमे १४३,०००, ५४,००० आणि ४१,००० अप्रेंटिस सहभागी झाले आहेत. अप्रेंटिसशिप कार्यक्रमांनी शिक्षण आणि रोजगार यांच्यातील अंतर कमी करून उद्योगांना चांगल्या प्रशिक्षित कर्मचाऱ्यांचा फायदा मिळवून दिला आहे. उद्योगांसाठी अप्रेंटिसशिप हा खर्च-प्रभावी मार्ग ठरतो, तर व्यक्तींना औपचारिक रोजगाराची संधी आणि करिअर विकासाचा मार्ग मिळतो.