दिवा \ आरती परब : बेतवडे गावातील ५० टक्के कुटुंबांची Marathon Nexworld च्या मयुर शाह या विकासकाने फसवणूक केल्यामुळे ग्रामस्थ संतंप्त झाले आहेत. त्याच्या शेतीच्या जमिनी कवडीमोलाने घेऊन तेथे टोलेजंग इमारत बांधूनही बेतवडे ग्रामस्थांचा मोबदला, फ्लॅट विकासकाने ठरलेली तारिख ओलांडूनही अजून दिलेली नाही. त्यामुळे आज बेतवडे ग्रामस्थ यांनी त्यासंबंधित माहिती पत्रकारांना देऊन विकासकाला आंदोलनाचा इशारा दिला आहे.
बेतवडे हे दिवा शहरातील पूर्वेकडील एक गाव आहे. तेथे काही एकर उपजाऊ जमीन Marathon Nexworld च्या मयुर शाह या विकासकाने शेतकरी आणि ग्रामस्थ यांच्या कडून कवडीमोलाने घेतली. त्या सर्व स्थानिकां बरोबर सागर गाला व सौरभ शाह यांनी व्यवहार केले. तेव्हा हे दोघे Marathon Realty Pvt Ltd. मध्ये कार्यरत होते. या व्यक्ती वारंवार बिल्डर तर्फे हामी व आश्वासन देतो पण त्याची कोणत्याही प्रकारे अंमलबजावणी अजूनही झालेली नाही.
तर बेतवडेच्या ग्रामस्थांनी Marathon Nexworld मयुर शाह याने (बेतवडे) येथे बांधकामांच्या संदर्भात फसवणुक केल्याचा आरोप केला आहे. व्यक्तीने / कंपनीने ग्रामस्थांना (फसवणूकीचे तपशील - जसे की खोटी माहीती देणे, पैसे ठरवून व्यवहार पूर्ण न करणे, बनावट कागदपत्रे वापरणे, फ्लॅट न देणे वा त्याचे भाडे न देणे इ.) केल्याने त्या सर्वांना आर्थिक व मानसिक त्रास झालेला आहे. अशी माहिती पत्रकारांना देऊन ते रितसर पोलीस, पालिका आयुक्त आणि जिल्हाधिकारी यांना त्याबाबत निवेदना द्वारे दिली आहे. तसेच या विषयात पंधरा दिवसात कोणताही मार्ग न निघाल्यास ग्रामस्थ आणि शेतकरी आंदोलन करतील, असा इशारा ही त्यावेळी दिला.
