क्लासेन-ईशान किशन अव्वल दोन स्थानांवर
आयपीएल २०२६ मध्ये सनरायझर्स हैदराबाद (SRH) संघाने फलंदाजीत दमदार कामगिरी करत ऑरेंज कॅपच्या शर्यतीत आघाडी घेतली आहे. संघातील हेन्रिख क्लासेन आणि ईशान किशन यांनी अनुक्रमे पहिल्या दोन स्थानांवर झेप घेतली आहे.
ईशान किशनने ४४ चेंडूत ९१ धावांची तुफानी खेळी करत थेट २२ फलंदाजांना मागे टाकत अव्वल स्थान गाठले, तर क्लासेनने २६ चेंडूत ४० धावा करत तिसऱ्या स्थानावरून दुसऱ्या स्थानावर मजल मारली.
या सामन्यापूर्वी अव्वल स्थानी असलेला युवा खेळाडू वैभव सूर्यवंशी पहिल्याच चेंडूवर बाद झाला आणि त्याची घसरण झाली. मात्र, या तिघांनी मिळून यंदाच्या हंगामात २०० धावांचा टप्पा पार करणारे पहिले तीन फलंदाज ठरले. राजस्थान रॉयल्सच्या यशस्वी जयस्वाल याला या सामन्यात केवळ १ धाव करता आली, तर ध्रुव जुरेल देखील खाते उघडण्यात अपयशी ठरला.
गोलंदाजीत पर्पल कॅपच्या शर्यतीत रवि बिश्नोई याचे दुसरे स्थान कायम राहिले, मात्र या सामन्यात त्याला एकही बळी मिळाला नाही. त्याचवेळी जोफ्रा आर्चर याने दोन बळी घेत चौथ्या स्थानावर झेप घेतली असून पाच सामन्यांत त्याच्या खात्यात सात बळी झाले आहेत. SRH संघाकडून हर्ष दुबे हा एकमेव गोलंदाज अव्वल १० यादीत असून त्याच्या बळीसंख्येत वाढ झाली नाही. मात्र ईशान मलिंगा याने दोन बळी घेत पाच बळींच्या आकड्याला गाठले आहे. तसेच SRHचे पदार्पण करणारे प्रफुल्ल हिंगे आणि साकीब हुसेन यांनी सुरुवातीलाच चार बळी घेत आपली छाप पाडली असून तेही अव्वल गोलंदाजांच्या यादीत स्थान मिळवण्यासाठी स्पर्धेत आहेत.