.jpeg)
नवी दिल्ली : दिल्लीचे खराब होत असलेल्या हवेच्या गुणवत्तेच्या पार्श्वभूमीवर शहरात १३ ते २० नोव्हेंबर दरम्यान विषम-सम कार रेशनिंग योजना लागू केली जाणार असल्याचे पर्यावरण मंत्री गोपाल राय यांनी सोमवारी जाहीर केले. त्याचबरोबर १० वी आणि १२ चे वर्ग वगळता सर्व वर्गांच्या शाळा १० नोव्हेंबरपर्यंत बंद राहतील असेही त्यांनी सांगितले.
मुख्यमंत्री अरविंद केजरीवाल यांच्या अध्यक्षतेखाली दिल्ली आणि राष्ट्रीय राजधानी क्षेत्र (NCR) मधील वाढत्या वायू प्रदूषणावरील उच्चस्तरीय बैठकीनंतर राय यांची घोषणा केली. गंभीर' हवेच्या गुणवत्तेमध्ये रविवारी दिल्लीला केंद्राच्या ग्रेडेड रिस्पॉन्स अॅक्शन प्लॅनच्या (GRAP) स्टेज IV अंतर्गत ठेवण्यात आले. प्रदूषणविरोधी योजनेचा हा अंतिम टप्पा आहे आणि राष्ट्रीय राजधानीत हवा गुणवत्ता निर्देशांक (AQI) ४५० चा टप्पा ओलांडण्यापूर्वी किमान तीन दिवस आधी ते सक्रिय केले जाते. प्रदूषणविरोधी योजनेच्या अंतिम टप्प्यात केंद्र सरकारच्या कार्यालयातील ५० टक्के कर्मचाऱ्यांना घरून काम करण्याची शिफारस करण्यात आली आहे. अत्यावश्यक सेवा आणि बांधकाम कामे, अगदी सार्वजनिक प्रकल्प वगळता दिल्लीत ट्रकच्या प्रवेशावर पूर्णपणे बंदी घालण्यात आली आहे. GRAP चा टप्पा IV राज्य सरकारांना महाविद्यालये आणि शैक्षणिक संस्था बंद करणे आणि विषम-विषम नियम यासारख्या अतिरिक्त आपत्कालीन उपायांना अवलंबण्याबाबत विचार करण्याची परवानगी देण्यात आली आहे. यापूर्वी ६ ते १२ वीच्या वर्गांना ऑनलाइन जाण्याचा "पर्याय" देण्यात आला होता, जरी प्राथमिक वर्गांना १० नोव्हेंबरपर्यंत बंद ठेवण्याचे आदेश देण्यात आले होते. राय म्हणाले की, दिल्लीतील बीएस३ पेट्रोल आणि बीएस४ डिझेल कारवर पूर्वीची बंदी कायम राहील आणि शहरात बांधकामाशी संबंधित कोणतीही कामे होणार नाहीत.
सम-विषम योजना वाहनांच्या लायसन्स प्लेट्सच्या शेवटच्या अंकांच्या आधारे वापरण्यावर अंकुश लावण्यात आले आहे. त्याअंतर्गत, विषम अंकांमध्ये (१,३,५,७ आणि ९) संपणाऱ्या लायसन्स प्लॅटनंबर असलेल्या वाहनांना विषम तारखांना रस्त्यावरून चालण्याची परवानगी देण्यात आली आहे, तर सम अंकांमध्ये (०,२, ४,६ आणि ८ ) संपणाऱ्या वाहनांना सम तारखांना चालवण्याची परवानगी देण्यात आली आहे.
दिल्लीची हवेची गुणवत्ता शुक्रवारी (३ नोव्हेंबर) 'अत्यंत खराब' वरून 'गंभीर' श्रेणीत बदलली आणि सलग चार दिवस तीच राहिली. सेंट्रल ऑफ पोल्युशन कंट्रोल बोर्ड (CPCB) च्या म्हणण्यानुसार सोमवारी, सकाळी ९ वाजता शहराचा एकूण AQI ४३७ नोंदवला गेला. सीपीसीबीच्या आकडेवारीनुसार दिल्लीतील बहुतेक मॉनिटरिंग स्टेशन्सनी 'गंभीर' श्रेणीमध्ये ४०० पेक्षा जास्त AQI नोंदवले. या बैठकीला इतर संबंधित विभागांचे अधिकारी, दिल्लीचे शिक्षण मंत्री आतिशी आणि मंत्री सौरभ भारद्वाज आणि कैलाश गहलोत आदी उपस्थित होते.