डोंबिवली ( शंकर जाधव ) : शनिवारी डोंबिवली जवळील खोणी ग्रूप ग्रामपंचायतीत ज्योती हनुमान जाधव यांची सरपंचपदी बिनविरोध निवड झाली. या ग्रामपंचायतीतील ११ सदस्यांपैकी ७ सदस्य उपस्थित होते. ज्योती जाधव यांचे सरपंच पदासाठी एकमेव नामनिर्देशक पत्र आले होते.या वेळी निवडणूक अधिकारी म्हणून पी. बी. हारड यांनी काम पाहिले होते. तर ग्रामसेवक अधिकारी दिलीप जागरे उपस्थित होते.
सरपंचपदी निवड झाल्याबद्दल जाधव यांनी सर्व सदस्यांचे आभार मानले. ठाणे जिल्हा परिषद माजी सदस्य रमेश पाटील यांसह किरण ठोंबरे यांनी जाधव यांचे अभिनंदन केले. जाधव यांची सरपंचपदी निवड झाल्याबद्दल यावेळी रमेश पाटील यांनी सर्व सदस्यांचे आभार केले.