सोमाली चाच्यांच्या तावडीतून १७ क्रू सदस्यांची सुखरूप सुटका

नवी दिल्ली : (Indian Navy) भारतीय नौदलाची युद्धनौका आयएनएस कोलकाताने (warship INS Kolkata) शनिवारी संध्याकाळी अपहृत व्यापारी जहाज एमव्ही रुएन या जहाजावरील सर्व ३५ सोमाली चाच्यांना (Somali pirates)  वेढा घालून आत्मसमर्पण करण्यास भाग पाडले. याप्रकरणी १७ क्रू सदस्यांना कोणतीही दुखापत न होता समुद्री चाच्यांच्या तावडीतून सुरक्षितपणे बाहेर काढण्यात आल्याचे नौदलाच्या प्रवक्त्याने सांगितले.

अधिकाऱ्याच्या पोस्टनुसार, चाच्यांविरुद्ध आयएनएस कोलकाताचे ऑपरेशन सुमारे ४० तास चालले.  INS कोलकाताने चाचे जहाज, पूर्वी एमव्ही रुएन, भारतीय किनाऱ्यापासून जवळजवळ २६०० किमी अंतरावर रोखले होते आणि INS सुभद्रा, किमान एक मानवरहित हवाई वाहन, P-8I सागरी गस्तीच्या मदतीने जहाज थांबवण्यास भाग पाडले. मार्कोस प्रहार आणि C-१७ विमाने नौदलाच्या कारवाईत वापरण्यात आली.

१४ डिसेंबर २०२३ रोजी सोमाली चाच्यांनी त्याचे अपहरण केले होते. नौदलाच्या अधिकाऱ्यांनी सांगितले की, बुल्गेरिया, अंगोला आणि म्यानमारमधील जहाजावर किमान १५ अधिक कर्मचारी आहेत. चाचेगिरीमुळे व्यापारी जहाजांना धोका असल्याचे नौदलाने म्हटले आहे. 

चाच्यांचे जहाज रोखल्यानंतर, चाच्यांनी भारतीय युद्धनौकेवर गोळीबार केला, या गोळीबाराला त्वरीत प्रत्युत्तर देत समुद्री चाच्यांच्या जहाजाला वेठीस धरले. नौदलाने सांगितले की, आम्ही जहाजावरील चाच्यांना आत्मसमर्पण करून नागरिकांना सोडण्याचे आवाहन केले होते.

या प्रकरणाची माहिती देताना भारतीय नौदलाच्या अधिकाऱ्याने सांगितले की, एमव्ही रुएन या अपहरण केलेल्या जहाजावरील चाच्यांची संख्या ३० पेक्षा जास्त होती. नौदलाने सांगितले की, आंतरराष्ट्रीय नियमानुसार समुद्री चाच्यांवर कारवाई करण्यात आली.

गेल्या काही आठवड्यांमध्ये पश्चिम हिंदी महासागरातील अनेक व्यापारी जहाजांवर झालेल्या हल्ल्यांनंतर भारतीय नौदलाने त्यांच्यासाठी मदतीचा हात पुढे केला आहे. भारतीय नौदलाने या महिन्याच्या सुरुवातीला सोमालियाच्या पूर्व किनारपट्टीवर ११ इराणी आणि आठ पाकिस्तानी नागरिकांसह इराणी-ध्वज असलेल्या मासेमारी जहाजावर चाचेगिरीचा प्रयत्न हाणून पाडला.