नवी दिल्ली : नोएडा पोलिसांनी YouTuber आणि बिग बॉस OTT २ चा विजेता एल्विश यादवला अटक केली आहे. त्याला आज न्यायालयात हजर केले जाणार आहे. डीसीपी नोएडा विद्या सागर मिश्रा यांनी ही माहिती दिली आहे. एल्विश यादवला सापाच्या विषाशी संबंधित एका प्रकरणात अटक करण्यात आल्याचे सांगण्यात येत आहे. याआधी एल्विश यादववर गुरुग्राम आणि गाझियाबादमध्ये गुन्हा दाखल करण्यात आला होता. पोलिसांनी सांगितले की, यूट्यूबर एल्विश यादव याला ताब्यात घेण्यात आले आहे. त्याला नोएडातील सर्फाबाद गावात असलेल्या फार्म हाऊसवर चौकशीसाठी नेण्यात आले आहे.
भाजप खासदार मनेका गांधी यांच्या पीपल फॉर ॲनिमल्स या संस्थेचे पशु कल्याण अधिकारी म्हणून काम करणाऱ्या गौरव गुप्ता यांनी एल्विश यादवविरोधात एफआयआर दाखल केला आहे. त्यावर कारवाई करत पोलिसांनी सेक्टर-४९ परिसरात छापा टाकला. या कारवाईत ५ आरोपींना पकडण्यात आले. पोलिसांना घटनास्थळावरून २० मिमी सापाचे विष आणि ९ विषारी साप सापडले. त्यात ५ कोब्रा, एक अजगर, दोन दोन डोके असलेले साप आणि एक उंदीर साप यांचा समावेश होता. आरोपींनी चौकशीत सांगितले की, ते एल्विश यादव पार्टीत साप आणि विष पुरवायचा. त्यानंतर आता सेक्टर-४९ कोतवाली पोलिसांनी एल्विशविरुद्धही एफआयआर नोंदवला होता.
प्रसिद्ध YouTuber Elvish Yadav वर संकटाचे ढग जमा होत आहेत. यापूर्वी यूट्यूबवर रेव्ह पार्टीमध्ये सापाचे विष वापरल्याचा आरोप करण्यात आला होता. त्यानंतर गुरुग्राममधील आणखी एका यूट्यूबरला मारहाण केल्याची घटना समोर आली आहे. त्यानंतर आता एल्विश यादवचा एक व्हिडीओ समोर आला आहे, ज्यामध्ये तो पीएफए कर्मचाऱ्यांना धमकावत आहे. या प्रकरणी पीएफए कर्मचाऱ्याच्या वतीने एल्विश यादवविरोधात पोलीस ठाण्यात तक्रार देण्यात आली आहे. यूट्यूबर एल्विश यादवने न्यूजपेपर असोसिएशन ऑफ इंडियाशी संबंधित पीपल फॉर ॲनिमल्स आणि गौरवचे अधिकारी सौरभ गुप्ता यांना जीवे मारण्याची धमकी दिल्याचे समोर आले आहे.
सौरभ गुप्ता यांनी सांगितले की, यूट्यूबर एल्विशविरुद्ध वेगवेगळ्या पोलीस ठाण्यात गुन्हे दाखल आहेत. अहवालानुसार, नोएडा आणि गुरुग्रामच्या फार्म हाऊस आणि मोठ्या क्लबमध्ये कोब्रा साप आणि त्यांचे विष पुरवल्याच्या आरोपाखाली गुन्हे दाखल करण्यात आले आहेत. अलीकडेच एका युट्युबरने काही गुंडांसह दुसऱ्या युट्युबरला बेदम मारहाण केली, ज्याचा व्हिडिओ व्हायरल झाल्यानंतर हे प्रकरण सोशल मीडियावर व्हायरल झाले. याप्रकरणी एल्विश यादववर गुरुग्राममध्ये गुन्हा दाखल करण्यात आला आहे. एल्विश यादव यांनी एक व्हिडीओ जारी करून स्पष्टीकरण दिले आहे. याशिवाय विष तस्करी प्रकरणात पीएफएच्या अधिकाऱ्यांनाही घरातून नेऊन जीवे मारण्याची धमकी देण्यात आली आहे. गाझियाबादच्या नंदग्राम पोलिस ठाण्यात याप्रकरणी लेखी तक्रार देण्यात आली आहे.