नवमतदार महायुतीलाच मतदान करतील
युवा सेना सचिवांचा विश्वास
डोंबिवली ( शंकर जाधव ) : कल्याण लोकसभा मतदारसंघाबाबत सर्वांना माहिती आहे. कुठल्याही उमेदवाराला कमी न लेखत रणनीतीनुसार लोकसभेत काम सुरू आहे. आम्ही केलेल्या कामावर लोकांचा विश्वास आहे. डॉ. श्रीकांत शिंदे सर्वसामान्यांमध्ये जाऊन काम करणारे नेते आहे.
कल्याण लोकसभा मतदारसंघात एकूण २०,१८,९५८ मतदार असून यात तृतीयपंथी ७३८, दीव्यांग १०,८०२, नवमतदार २२,१७९ आहेत. लोकसभेच्या निवडणुकीत नवमतदार हा महायुतीलाला मतदान करील असा विश्वास शिवसेना ( शिंदे गट ) युवा सेना सचिव दिपेश म्हात्रे यांनी पत्रकारांशी बोलताना व्यक्त केला.
कल्याण लोकसभा मतदारसंघ मिळून अंबरनाथ, उल्हासनगर, कल्याण पूर्व - पश्चिम, डोंबिवली ,कळवा, मुंब्रा असे सहा मतदार संघ आहेत. यात २२,१७९ नवमतदार असून यांचे मत महायुतीलाच मिळतील असे युवा सेना सचिव दिपेश म्हात्रे यांनी सांगितले. ते पुढे म्हणाले, २०१४ व २०१९ साली ज्याप्रमाणे निवडणुकीत समोरे गेलो होतो त्याचप्रमाणे याही निवडणुकीत समोरे जाऊ. राष्ट्रवादी शरद पवार गटाचे प्रवक्ते महेश तपासे यांच्या टीकेला उत्तर देताना म्हात्रे म्हणाले, तपासे यांना आम्ही जास्त गांभीर्याने घेत नाही.