शिक्षण सप्ताह अंतर्गत इको क्लबचा उपक्रम
डोंबिवली ( शंकर जाधव ) : कल्याण - डोंबिवली महानगरपालिकेत शिक्षण सप्ताह अंतर्गत सर्व व्यवस्थापनाच्या सर्व माध्यमांच्या शाळांमध्ये शिक्षणाधिकारी विजय सरकटे यांच्या मार्गदर्शनाखाली इको क्लब उपक्रम व शालेय पोषण दिवस काल अत्यंत उत्साहात साजरा करण्यात आला.
शिक्षण सप्ताहातील नियोजनानुसार पर्यावरणातील गंभीर समस्या, हवामान बदल, मतदान आणि संसाधनांची कमतरता याबद्दल जागरुकता निर्माण करणे, पर्यावरण संवर्धन करणे, विद्यार्थ्यांनी व पालकांनी मिळून वृक्षारोपण करणे ह्यासारखे विविध विषयांशी निगडित उपक्रम राबविण्यात आले. शालेय पोषण दिवस अंतर्गत विद्यार्थ्यांना पोषक आहाराचे महत्त्व सांगितले गेले. विद्यार्थ्यांनी देखील सर्व उपक्रमात आनंदाने सहभाग घेतला.
