दिवा, (आरती परब) : दिव्यात इच्छतेश्वर शिवशक्ती मंदिरात गेली ३७ वर्षांपासून सुरु असलेला महाशिवरात्रीचा उत्सवात हजारो भाविक दर्शन घेतात. १९८८ मध्ये इच्छतेश्वर शिवशक्ती मंदिराची स्थापना ब्रम्हा पाटील यांनी केली असून मंदिर आता बरेच नावारुपाला आले आहे. हे मंदिर बनविताना ब्रम्हा पाटील यांना बऱ्यात अडचणींना सामोरे जावे लागले होते. पण आता दिव्याचे शहरीकरण झाल्याने महाशिवरात्रीसाठी लाखोंच्या संख्येत भक्तगण दर्शनास येतात. महाशिवरात्री निमित्त मंदिरात बालोपासना, ज्ञानाई हरिपाठ मंडळ- आगासन यांचे भजन, संत श्रीपाददास ह.भ.प.श्री. नारायण महाराज भोईर- दिवा यांचे भजन, हनुमान प्रासादिक भजन मंडळ, निळजे यांचे भजन, सोमजाई भजन मंडळ, लिगरवळनाथ प्रासादिक भजन मंडळ यांचे भजन, परमपूज्य कलावली आई यांचे भजन,सायंकाळी ७ वाजता मोठ्या प्रमाणात महाआरती, सिध्दीविनायक प्रासादिक भजन मंडळ, श्री. ठाणेश्र्वर प्रासादिक भजन मंडळ- दिवा यांचे भजन तर ठिक रात्री १२ वाजता शिव पालखी काढण्यात येते. त्यानंतर दुसऱ्या दिवशी महाप्रसादाचाचे, महाभंडाऱ्याते आयोजन करण्यात आले आहे.
पहाटेपासूनच भक्त या मंदिरात दर्शनासाठी रांगा लावत असल्यामुळे त्यांच्यासाठी चहा व अल्पोपहारची सोय मंदीर समितीचे अध्यक्ष चरण ब्रम्हा पाटील यांच्यातर्फे दरवर्षी केली जाते. या महाशिवरात्री निमित्त शिवशक्ती मित्रमंडळ, दिवा फाऊंडेशन, दिवा ग्रामस्थांसह शेकडो स्थानिक रहिवाशी यांनी दिवसरात्र नियोजन केले आले. यावेळी स्थानिक माजी नगरसेवक अमर ब्रम्हा पाटील आणि चरण ब्रम्हा पाटील यांनी सर्व भाविकांना अल्पोपहार व दुसऱ्या दिवशीच्या महाप्रसादाचा लाभ घेण्याचे आवाहन नागरिकांना केले आहे.