प्रसिद्ध कलाकार अक्षता दास यांची उपस्थिती
डोंबिवली \ शंकर जाधव : महाराष्ट्र जनरल मजदूर संघटनेच्या वतीने नुकतेच डोंबिवली पूर्वेकडील स्व. धर्मवीर दिघे सभागृहात कल्याण ग्रामीणचे आमदार राजेश मोरे यांच्या वतीने ३०० कामगारांना गृहउपयोगी वस्तूंचे वाटप करण्यात आले. यावेळी आमदार राजेश मोरे , स्थायी समिती सभापती रमेश म्हात्रे ,कल्याण तालुकाप्रमुख महेश पाटील माजी,नगरसेवक संजय पावशे, उद्योजक विकी हिंगे, ताराराणी ब्रिगेड अध्यक्ष मेघा मोरे, सहकार भारती शैलेश दुरगुडे, पायल मार्बल मालक सुरेश जैन, समाजसेविका रेखा कांबळे, सेफ्टी असोसिएशन विशाल शेटे, रिपब्लिकन नेते आनंद नवसागरे, सिनेअभिनेत्री अक्षदा दास, डॉ. शोभा पाटील आदी मान्यवर उपस्थित होते.
दरम्यान संस्थापक अध्यक्ष लक्ष्मण मिसाळ म्हणाले, कामगार महामंडळाच्या माध्यमातून महाराष्ट्र जनरल मजदूर संघटनेच्या प्रयत्नाने गृहपयोगी वस्तूंचे वाटप करण्यात आले आहे. संघटनेच्या माध्यमातून दरवर्षी कामगारांच्या मुलांना शिष्यवृत्ती दिली जाते. कामगारांच्या मुलींच्या विवाहासाठी आर्थिक मदत केली जाते. तसेच महिला कामगारच्या प्रसूतीकरताही आर्थिक मदत केली जाते. काम करत असताना कामगारांचा मृत्यू झाल्यास कामगाराच्या कुटुंबियांना शासनाची मदत मिळवून देण्यासाठी संघटना शासनाकडे पाठपुरावा करते. संघटनेच्या माध्यमातून आतापर्यत चार हजार कामगारांना सेफ्टी किटचे वाटप करण्यात आले. तर दोन हजार कामगारांना गृहपयोगी वस्तूंचे वाटप व दोन हजार पेक्षा जास्त कामगारांना शिष्यवृत्ती मिळवून दिली. या कार्यक्रम माध्यमातून यावेळी चारशे कामगारांना गृहपयोगी वस्तूंचे वाटप करण्यात आले आहे. त्याचप्रमाणे कामगारांसाठी शासनाच्या योजना संघटनेच्या माध्यमातून पोहोचविल्या जातात.
संस्थापक अध्यक्ष लक्ष्मण मिसाळ यांना सचिव युवा अध्यक्ष नामदेव भानुसे ,खजिनदार विश्वनाथ रेवगडे, सहखजिनदार रामचंद्र वाघ, सहसचिव गजानन डांगे,केद्रिय क‌मिटी सदस्य चंद्रकांत गायकवाड, कमलाकर पाटील, युवा अध्यक्ष केशव मिसाळ, अध्यक्ष वंदना जाधव, कल्याण जिल्हाध्यक्ष भुजंग कोरके, कल्याण शहराध्यक्ष संजय मस्के, बद्रीनाथ मखरे या संघटनेचे आदि पदाधिकारी मोलाचे सहकार्य करतात.