विवेक खामकर, कविता गावंड चौधरी आणि किरण मोंडकर यांना महत्त्वपूर्ण जबाबदारी
ठाणे : हिंदुहृदयसम्राट शिवसेनाप्रमुख बाळासाहेब ठाकरे यांच्या आशीर्वादाने आणि बाळासाहेबांची शिवसेना पक्षप्रमुख, राज्याचे उपमुख्यमंत्री एकनाथ शिंदे यांच्या आदेशानुसार तसेच खासदार डॉ. श्रीकांत एकनाथ शिंदे यांच्या सूचनेनुसार शिवसेना (शिंदे गट) मध्ये महत्त्वपूर्ण संघटनात्मक नियुक्त्या करण्यात आल्या आहेत.
कळवा-मुंब्रा, कल्याण ग्रामीण आणि डोंबिवली विधानसभा क्षेत्रांसाठी संपर्कप्रमुख म्हणून विवेक खामकर आणि कविता गावंड चौधरी यांची नियुक्ती करण्यात आली आहे. तसेच, उपजिल्हा संघटक पदाची जबाबदारी किरण मोंडकर यांच्यावर सोपवण्यात आली आहे.
या नव्या नियुक्त्यांमुळे महिला शाखेतही नवचैतन्य निर्माण होईल, अशी प्रतिक्रिया स्थानिक कार्यकर्त्यांनी व्यक्त केली. तर या निवडीमुळे या विधानसभा क्षेत्रातील संघटन अधिक बळकट होणार असून पक्षाचा जनसंपर्क अधिक परिणामकारकपणे वाढवला जाईल, असा विश्वास व्यक्त करण्यात येत आहे.
या सर्व नियुक्त्या जिल्हाप्रमुख गोपाळ लांडगे यांच्या प्रमुख उपस्थितीत पार पडल्या. यावेळी उपस्थित असलेल्या कार्यकर्त्यांनी नव्या पदाधिकाऱ्यांचे अभिनंदन करत आमदार राजेश मोरे यांनी त्यांना पुढील कार्यासाठी शुभेच्छा दिल्या.
