.jpeg)
चांदीही २३०० रुपयांनी स्वस्त
नवी दिल्ली : व्यापाऱ्यांची प्रॉफिट बुकींग आणि कमकुवत जागतिक कल यामुळे दिल्ली सराफा बाजारात मंगळवारी सोन्याचा भाव १,४५० रुपयांनी घसरून ७२,२०० रुपये प्रति १० ग्रॅम झाला. या काळात चांदीच्या दरातही किलोमागे २३०० रुपयांची घसरण झाली.
एचडीएफसी सिक्युरिटीजच्या मते, दिल्लीत सोन्याचा भाव १,४५० रुपयांनी घसरून ७२,२०० रुपये प्रति १० ग्रॅम झाला. गेल्या सत्रात सोन्याचा भाव ७३,६५० रुपये प्रति १० ग्रॅमवर बंद झाला होता. या काळात चांदीचा भाव २,३०० रुपयांनी घसरून ८३,५०० रुपये प्रति किलो झाला. मागील ट्रेडिंग सत्रात तो ८५,८०० रुपये प्रति किलोवर बंद झाला होता.
एचडीएफसी सिक्युरिटीजचे वरिष्ठ विश्लेषक (कमोडिटी) सौमिल गांधी यांनी सांगितले की, "दिल्लीच्या बाजारात २४ कॅरेट सोन्याची किंमत १,४५० रुपयांनी घसरली आहे आणि ७२,२०० रुपये प्रति १० ग्रॅमवर व्यवहार होत आहे."
आंतरराष्ट्रीय बाजारात कॉमेक्सवर सोन्याची स्पॉट किंमत $५५ ने घसरून $२,३१० प्रति औंस झाली. मध्य पूर्वेतील तणाव कमी झाल्याने आणि यूएस फेडरल रिझर्व्ह दीर्घ कालावधीसाठी दर उच्च ठेवत असल्याची चिन्हे असताना मंगळवारी सोन्याच्या भावात आणखी घसरण झाली.
गांधी म्हणाले की, व्यापाऱ्यांनी सुरक्षित गुंतवणुकीतून त्यांच्या पैशांचा प्रवाह जोखमीच्या मालमत्तेकडे वळवला, ज्यामुळे नुकत्याच झालेल्या तेजीनंतर मौल्यवान धातूंमध्ये नफा-वसुली झाली. जागतिक बाजारातही चांदीची किंमत २६.८० डॉलर प्रति औंस झाली. गेल्या सत्रात ते $२७.९५ प्रति औंसवर बंद झाले होते.