शिवाजी विद्यापीठाच्या ६१ व्या दीक्षान्त समारंभ संपन्न
महाराष्ट्राचे राज्यपाल तथा शिवाजी विद्यापीठाचे कुलपती सी.पी. राधाकृष्णन यांचे प्रतिपादन
कोल्हापूर, ( शेखर धोंगडे ) : कोल्हापूर ही महालक्ष्मी अंबाबाईची पवित्र भूमी आहे. हिंदवी स्वराज्याचे संस्थापक छत्रपती शिवाजी महाराज यांच्या नावाने ओळखल्या जाणाऱ्या शिवाजी विद्यापीठाच्या ६१ व्या वार्षिक दीक्षांत समारंभात तुमच्यासोबत उपस्थित राहताना मला खूप आनंद होत असल्याचे महाराष्ट्राचे राज्यपाल तथा शिवाजी विद्यापीठाचे कुलपती सी.पी. राधाकृष्णन यांनी म्हटले.
आजच्या दीक्षांत समारंभात पदवी प्राप्त करणाऱ्या सर्व पदवीधर विद्यार्थ्यांचे मी अभिनंदन करत असल्याचे राज्यपालांनी सांगत राष्ट्रपती सुवर्णपदक, कुलपती सुवर्णपदक आणि पीएचडी मिळालेल्या विद्यार्थ्यांचे देखील त्यांनी अभिनंदन केले. याप्रसंगी त्यांनी पदवी प्राप्त करणाऱ्या काही पदवीधर विद्यार्थ्यांचे त्यांच्या कुटुंबातील पहिल्या पिढीतील पदवीधर असू शकतात. मी त्यांच्या पालकांचे आणि शिक्षकांचे विशेष कौतुक करत असल्याचे म्हटले.
या विद्यापीठाला दिलेले छत्रपती शिवाजी महाराजांचे नाव आणि विद्यापीठ परिसरात स्थापित केलेला छत्रपती शिवाजी महाराजांचा सुंदर पुतळा छत्रपती शिवाजी महाराजांच्या शौर्यपूर्ण जीवनाची आठवण करून देतो. मी फक्त ६ वर्षांचा असताना छत्रपती शिवाजी महाराजांच्या जीवनाबद्दल शिकलो. छत्रपती शिवाजी महाराजांनी वेल्लोर, तंजावर, गिंजी (सेनजी) आणि तामिळनाडूतील इतर काही ठिकाणी भेट दिली होती, हे ऐकून आम्हाला अभिमान वाटल्याचे राज्यपालांनी सांगितले.
कोल्हापूर ही महान शासक छत्रपती शाहू महाराजांची भूमी आहे, जे देशभरात शिक्षणाला प्रोत्साहन देण्यासाठी, विशेषतः सामाजिक-आर्थिकदृष्ट्या मागासलेल्या समुदायांमध्ये प्रगतीशील धोरणांसाठी ओळखले जातात. त्यामुळे तुम्ही धैर्य, सामाजिक न्याय आणि जीवनाच्या विविध क्षेत्रांमध्ये उत्कृष्टतेच्या महान वारशाचे भाग्यवान वारसदार आहात, हे मला जाणवत असल्याचे देखील त्यांनी म्हटले. कोल्हापूरमध्ये शेती, उद्योग, आरोग्यसेवा, शिक्षण आणि इतर क्षेत्रांमध्ये विकासाची प्रचंड क्षमता आहे. शाहू महाराजांनी क्रीडा क्षेत्राला विशेषतः कुस्तीला मोठ्या प्रमाणात प्रोत्साहन दिले. मला असे वाटते की कोल्हापूरमध्ये उत्कृष्ट क्रीडा केंद्र आणि जागतिक दर्जाचे शूटिंग रेंज असावे अशी आशा व्यक्त केली.
शिवाजी विद्यापीठाची स्थापना १९६२ मध्ये झाली. तेव्हा विद्यापीठाशी संलग्न फक्त ३४ महाविद्यालये होती. उच्च शिक्षण घेत असलेले विद्यार्थी फक्त १४,००० होते. आज ६३ वर्षांनंतर, शिवाजी विद्यापीठात २९९ संलग्न महाविद्यालये आहेत आणि विद्यार्थ्यांची संख्या २.५ लाखांपर्यंत पोहोचली आहे. तथापि, आपण आत्मसंतुष्ट राहू शकत नाही. राष्ट्रीय शिक्षण धोरण २०३६ पर्यंत आपल्या उच्च शैक्षणिक संस्थांमध्ये एकूण नोंदणी प्रमाण ५० टक्के साध्य करण्याचा प्रयत्न करते. म्हणून आपल्याला गुणवत्ता आणि उत्कृष्टता राखून संख्यात्मक विस्ताराची आवश्यकता असल्याचे त्यांनी म्हटले.
शिक्षणाने प्रामाणिकपणा, करुणा आणि टीकात्मक विचारसरणीसारखे गुण जोपासले पाहिजेत, विद्यार्थ्यांना आत्मविश्वासाने आणि कृपेने जीवनातील आव्हानांना तोंड देण्यासाठी तयार केले पाहिजे. शिवाजी विद्यापीठ शिक्षणाच्या समग्र दृष्टिकोनातून या तत्वज्ञानाचे उदाहरण देते. आपण पुढे जात असताना, मला विश्वास आहे की शिवाजी विद्यापीठ उत्कृष्टतेचा वारसा कायम ठेवेल आणि समाजाच्या प्रगतीत योगदान देत राहील अशा शुभेच्छा राज्यपाल यांनी सांगितले.
ऑनलाईन पद्धतीने २००० हून अधिक जणांचा सहभाग
शिवाजी विद्यापीठाच्या ६१ व्या दीक्षान्त समारंभाचे विद्यापीठाच्या ‘शिव-वार्ता’ युट्यूब वाहिनीवरुन थेट प्रक्षेपण करण्यात आले. या समारंभात सुमारे २००० जण ठिकठिकाणांहून सहभागी झाले. या व्यतिरिक्त विविध प्रसारमाध्यमे तसेच डिजीटल मीडिया यांनीही आपापल्या युट्यूब, फेसबुक, एक्स इत्यादी मंचावरुन या समारंभाचे सहक्षेपण केले. त्यावरुनही शेकडो दर्शकांनी या कार्यक्रमात ऑनलाईन सहभाग दर्शविला.
