प्रांताधिकारी मुकेश चव्हाण यांचे आवाहन
अलिबाग ( धनंजय कवठेकर) : अलिबाग, मुरूड तालुक्यातील सर्व पात्र पदवीधारकांनी जास्तीत जास्त प्रमाणात कोकण पदवीधर मतदार संघासाठी मतदार नोंदणी असे आवाहन पदनिर्देशित अधिकारी, कोकण पदवीधर मतदार संघ तथा अलिबाग उपविभागीय अधिकारी मुकेश चव्हाण यांनी केले आहे.
अलिबाग उपविभागीय अधिकारी कार्यालयात आयोजित पत्रकार परिषदेत ते बोलत होते. मुकेश चव्हाण यांनी यावेळी सांगितले की,
पदवीधर मतदार संघाच्या अनुषंगाने १ नोव्हेंबर २०२३ या अर्हता दिनांकावर आधारीत नॉव्हेंबर २०२३ या कालावधीत पदवीधर मतदार नोंदणी सुरु आहे. तरी ज्या मतदारांनी दिनांक १ जानेवारी २०२० पूर्वी पदवी प्राप्त केली आहे. ते मतदार पदवीधर मतदारसंघा करीता नाव नोंदविण्यास पात्र आहेत.
पदवीधर मतदार नोंदणीऑनलाईनपद्धतीने संकेतस्थळ https://ceoelection.maharashtra. gov.in यावर लिंकद्वारे https://ceoelection.maharashtra.gov.in/Downloads/DownloadForms/Form-18.pdf नोंदणी अर्ज उपलब्ध करुन देण्यात आला आहे. जे मतदार पदवीधर मतदारसंघामध्ये मतदार नोंदणी करण्यास इच्छुक आहेत. त्यांनी नमुना नं. 18 अर्ज भरुन घ्यावे अथवा ऑनलाईन पद्धतीने नमुना नंबर 18 चा अर्ज भरुन आवश्यक कागदपत्रासहीत अलिबाग किंवा मुरूड तहसीलदार कार्यालय येथे जमा करावेत.
नोंदणीसाठी आवश्यक कागदपत्रे खालीलप्रमाणे सदर कागदपत्रांवर राजपत्रिय अधिकारी / पब्लीक नोटरी साक्षांकन असणे आवश्यक आहे. पदवीधर मतदारसंघ नाव नोंदणी मोहीम कोंकण आणि मुंबई विभागासाठी नोंदणी करणारा मतदार हा ३० ऑक्टोबर २०२० पूर्वी पदवीधर झालेला असावा. त्यानंतर पदवीधर झाला असेल त्यांनी फॉर्म भरू नये. पदवी परिक्षेचा निकाल घोषित झालेला दिनांक ३ वर्षांची मुदत ठरविताना विचारात घेतला जाईल.
आवश्यक कागदपत्र
पदवी किंवा पदवी समकक्ष धारण केलेली मार्कशिट किंवा पदवी प्रमाणपत्र
आधार कार्ड
इलेक्शन कार्ड
रेशन कार्ड किंवा लाईट बिल
नावात बदल असल्यास लग्न प्रमाणपत्र किंवा गॅझेट कॉपी
मतदार हा पदवीधर मतदार संघातील रहिवासी असावा.
एक पासपोर्ट साइज कलर फोटो
सर्व झेरॉक्सवर आपली सही करावी असेही मुकेश चव्हाण यांनी सांगितले.