कास्परोव्हचा ४० वर्षे जुना विक्रम मोडला
चेन्नई येथील १७ वर्षीय डी. गुकेशने जागतिक बुद्धिबळ स्पर्धेतील कँडिडेट्स बुद्धिबळ स्पर्धेच्या अंतिम फेरीत हिकारू नाकामुराविरुद्ध सामना ड्रॉ खेळल्यानंतर तो या स्पर्धेचा सर्वात तरुण विजेता ठरला आहे. इतकेच नाही तर तो जागतिक बुद्धिबळ स्पर्धेत भाग घेणारा सर्वात तरुण खेळाडू ठरला आहे. कँडिडेट्स बुद्धिबळ स्पर्धा जिंकणारा तो जगातील सर्वात तरुण खेळाडू आणि विश्वनाथन आनंदनंतर ही स्पर्धा जिंकणारा दुसरा भारतीय खेळाडू ठरला आहे. जागतिक चॅम्पियनचे आव्हान निश्चित करण्यासाठी त्याचे या स्पर्धेत १४ पैकी नऊ गुण होते. वर्षाच्या अखेरीस तो सध्याचा विश्वविजेता चीनच्या डिंग लिरेनला आव्हान देईल.
नाकामुराविरुद्चा सामना ड्रॉ खेळल्यानंतर डी. गुकेशचे जेतेपद बायो कारुआना आणि इयान नेपोम्नियाच्ची यांच्यातील दुसऱ्या सामन्यावर अवलंबून होते. या दोघांमधील विजेत्याांची लढत गुकेशसोबत होणार होती मात्र कारुआना आणि नेपोम्नियाची यांच्यातील सामना ड्रॉ झाल्यामुळे गुकेश नऊ गुणांसह अव्वल स्थानावर आला आणि स्पर्धा जिंकली.
बुद्धिबळ जगतातील १७ वर्षीय गुकेशने आपल्या करिअरमध्ये अनेकवेळा विक्रम केले आहेत. तो १२ वर्षे, सात महिने, १७ दिवस वयाचा भारताचा सर्वात तरुण ग्रँडमास्टर बनला. त्याने गेल्या वर्षी पाच वेळा विश्वविजेता विश्वनाथन आनंदला मागे टाकत ३६ वर्षात प्रथमच देशाचा अव्वल क्रमांकाचा खेळाडू बनण्याचा मान मिळवला.
उमेदवार बुद्धिबळ स्पर्धा जिंकून, ४० वर्षांपूर्वी महान गॅरी कास्पारोव्हचा विक्रम मोडून, गुकेश जागतिक विजेतेपदासाठी सर्वात तरुण आव्हानवीर ठरला. माजी रशियन महान कास्पारोव्ह २२ वर्षांचा होता जेव्हा तो १९८४ मध्ये देशबांधव अनातोली कार्पोव्हशी झालेल्या लढतीसाठी पात्र ठरला होता. आता गुकेश या वर्षाच्या अखेरीस विश्वविजेता चीनच्या डिंग लिरेनला आव्हान देईल. गुकेश आपला खेळ सुधारण्यासाठी संगणकावर अवलंबून न राहिल्याबद्दल विश्वनाथन आनंदेही त्याचे कौतुक केले होते.
डी. गुकेशला बक्षीस म्हणून ८८५०० युरो (७८.५ लाख रुपये) देखील मिळाले. या स्पर्धेची एकूण बक्षीस रक्कम पाच लाख युरो आहे. ही प्रतिष्ठित स्पर्धा जिंकणारा तो विश्वनाथन आनंद यांच्यानंतर दुसरा भारतीय ठरला.
विजयानंतर डी गुकेश म्हणाला, 'मला खूप आराम वाटत आहे. मी फॅबियानो कारुआना आणि इयान नेपाम्नियाची यांच्यातील सामना पाहत होतो. यानंतर मी फिरायला गेलो ज्यामुळे मदत झाली.
