.jpeg)
त्रिपुरामध्ये सर्वाधिक ८० % मतदान
बिहारमध्ये सर्वात कमी ४८% मतदान
नवी दिल्ली : लोकसभा निवडणुकीच्या पहिल्या टप्प्यातील मतदान संपले आहे. सायंकाळी ६ वाजेपर्यंत १०२ जागांवर एकूण ६३ टक्के मतदान झाले आहे. जर आपण आकडेवारीवर नजर टाकली तर त्रिपुरामध्ये सर्वाधिक ८० % मतदान झाले आहे. तर बिहारच्या नवादामध्ये सर्वात कमी लोकांनी ४८ % मतदान केले. या टप्प्यात केंद्रीय मंत्री नितीन गडकरी व राज्याचे मंत्री सुधीर मुनगंटीवार यांच्यासह अनेक नेत्यांचे राजकीय भवितव्य ईव्हीएम बंद झाले आहे.
पहिल्या टप्प्यात नऊ केंद्रीय मंत्र्यांचे भवितव्य पणाला लागले आहे. या मंत्र्यांमध्ये रस्ते वाहतूक मंत्री नितीन गडकरी नागपुरातून, पर्यावरण मंत्री भूपेंद्र यादव हे अलवरमधून, आयुष मंत्री सर्बानंद सोनोवाल दिब्रुगडमधून निवडणूक लढवत आहेत, पृथ्वी विज्ञान मंत्री किरेन रिजजू अरुणाचल पश्चिममधून निवडणूक लढवत आहेत, राजस्थानचे कायदा राज्यमंत्री अर्जुन राम मेघवाल यांचा समावेश आहे. बिकानेर लोकसभा मतदारसंघातून नशीब आजमावत आहेत, विज्ञान आणि तंत्रज्ञान राज्यमंत्री जितेंद्र सिंह, जम्मू-काश्मीरच्या उधमपूर मतदारसंघातून निवडणूक लढवत आहेत, मत्स्यव्यवसाय, पशुसंवर्धन आणि दुग्धविकास राज्यमंत्री संजीव बालियान, ग्रामीण विकास राज्यमंत्री फग्गनसिंग कुलस्ते आणि गृह राज्यमंत्री निसिथ प्रामाणिक यांचा समावेश आहे.
मंत्र्यांच्या जागांची आकडेवारी पाहिल्यास, कूचबिहार, गृह राज्यमंत्री निसिथ प्रामाणिक यांच्या जागेवर सर्वाधिक ७७.७३% मतदान झाले आहे. त्याचवेळी नितीन गडकरी यांच्या नागपूरमध्ये सर्वात कमी ४७.९१ टक्के मतदान झाले आहे.
महाराष्ट्रातील मतदान
रामटेक - ५२.३८ टक्के
नागपूर - ४७.९१ टक्के
भंडारा- गोंदिया - ५६.८७ टक्के
गडचिरोली- चिमूर - ६४.९५ टक्के
चंद्रपूर - ५५.११ टक्के
