Covid : कोविशील्डमुळे रक्ताच्या गुठळ्या होण्याचा धोका

 

लस निर्माता AstraZeneca ने साइड इफेक्ट्स मान्य केले

लंडन :  कोविड-१९ लसीमुळे TTS सारखे दुर्मिळ दुष्परिणाम होऊ शकतात. TTS म्हणजेच थ्रोम्बोसाइटोपेनिया सिंड्रोममुळे शरीरात रक्त गोठते. याचा त्रास असलेल्या व्यक्तीला स्ट्रोक, हार्ट फेल्युअर इत्यादी गंभीर आजार होऊ शकतात असे लस निर्माता AstraZeneca ने ब्रिटीश न्यायालयात प्रथमच कबूल केले आहे. 

ब्रिटीश उच्च न्यायालयात सादर केलेल्या कागदपत्रांमध्ये, AstraZeneca ने दुष्परिणाम मान्य केले आहेत. मात्र, या लसीमुळे होणारे दुष्परिणाम मान्य करूनही कंपनी या लसीमुळे होणाऱ्या आजारांच्या किंवा दुष्परिणामांच्या दाव्याला विरोध करत आहे. ही बातमी भारतासाठीही खूप महत्त्वाची आहे, कारण कोविड-१९ च्या प्रसारादरम्यान याच ऑक्सफर्ड-ॲस्ट्रोजेनेका लसचा वापर कोविशील्डच्या नावाखाली भारतात मोठ्या प्रमाणावर करण्यात आला होता.

भारतीय कंपनी सीरम इन्स्टिट्यूट ऑफ इंडियाने AstraZeneca कडून मिळालेल्या परवान्याअंतर्गत ही लस देशात तयार करण्यात आली होती. ती केवळ भारताच्या कोविड लसीकरण मोहिमेत वापरली गेली नाही तर जगातील अनेक देशांमध्ये निर्यातही करण्यात आली होती. Covishield व्यतिरिक्त, ही लस अनेक देशांमध्ये Vaxjaveria या ब्रँड नावाने विकली गेली. AstraZeneca विरुद्ध हा खटला जेमी स्कॉट यांनी दाखल केला आहे, ज्यांना ही लस घघेतल्यानंतर मेंदूला नुकसान झाल्याचे जाणवले. अनेक कुटुंबांनी न्यायालयात या लसीच्या दुष्परिणामांची तक्रारही केली होती.

न्यायालयात पोहोचलेल्या तक्रारदारांनी कंपनीकडून शरीराला झालेल्या नुकसानीची भरपाई देण्याची मागणी केली आहे. विशेष म्हणजे सुरक्षेच्या कारणास्तव ब्रिटनने आता या लसीवर बंदी घातली आहे. कंपनीच्या या मान्यतेनंतर नुकसानभरपाईची मागणी करणाऱ्यांची संख्याही वाढू शकते.

 भारतात कोविडनंतर, अशा मृत्यूंची संख्या लक्षणीय वाढली होती, ज्याचे कारण स्पष्टपणे माहित नव्हते. यापैकी बहुतेक काही शारीरिक समस्यांशी निगडीत होते आणि सरकार आणि आरोग्य जगाचा असा विश्वास नव्हता की हे कोविड लसीच्या दुष्परिणामांमुळे असू शकते. आता कंपनीच्या या मान्यतेनंतर भारतातही या विरुद्ध तक्रारी दाखल होण्याची शक्यता वर्तवली जात आहे.